Covalima ( RCCT ) 02-06-21, Administrador Municipio no Diretur Saude ho komitiva halo distribuisaun Material Higene ba Prizoneiros nain 63 nebe mak Pozitivu Covid -19 iha Prizaun Saui.
Iha distribuisaun material higene ba prizoneiros sira iha prizasaun Suai ne’e Administrador Municipio Covalima Fransisco Andrade hateten Unicef iha Timor Leste ba domin ba povu Timor Leste nebe Afeita ba Covid-19.
“ Unicef Timor Leste nebe sira hadomi tebes ita povu nebe oras ne’e dadaun Positivu Covid – 19 tanba ne’e mak sira apoio Material higenia hirak ne’e. Sasan iha balde laran ne’e ami sei dauk loke ka hare sasan iha laran, orasida ami fahe ba ita bo’ot sira rasik mak bele loke hodi hare sasan hirak ne’e iha balde laran.” Dehan Administrador Fransisco de Andrade.
Tanba ne’e Administrador Covalima mos Agradese ba Unicef nebe iha hanoin diak bele fo tulun ba Dadur sira iha Prizaun Suai.
“Hanesa Autoridade iha municipio ida ne’e, Ha’u hato’o agradese ba Agensia Unicef iha Timor Leste ne’ebe ho domin bo’ot hofi fo apoiu ba maluk sira nebe mak infrenta ba moras Covid -19 ida ne’e, mesmu Unichef ninia ajuda la bo’ot liu maibe ita fo agrades nafatin ba sira, tanba ne’e Hau husu ba ita bo’ot sira labele hare nia kuantidade nebe mak iha maibe ita hare ba sira nia Valor nebe mak fo apoiu ita tanba ne’e ita tenke fo agradese wain ba Unicef “ Tenik Administrador Covalima Fransisco Andrade
Administrador Covalima mos enkoraza ba Prizoneirus sira atu kompri Protokulu husi Miministerio Saude no Organizasaun Munidial Saude tanba dadaun ne’e ema hotu Infrenta moras covid-19 Inklui mos Prizaun Suai mos sai fatin Afetadu husi Covid-19.
“ Iha prizaun ida ne’e ami hotu sente triste foin lalais ita nia Ministro da justisa mai vizita iha fatin ne’e ita nia diretur interino Prizaun rasik hato’o relatori ho tanis tanba preokupa ba ita bo’ot sira, tanba ne’e ha’u husu ba director Prizaun ho prizoneirus sira labele triste ho moras ida ne’e maibe antoziasmu atu dezemvolve rai ida ne’e metin nafatin, atu nune’e ita bele ultrapasa lalais husi moras ida ne’e, tanba ne’e ha’u husu ita bo’ot sira karik buat ruma la di’ak iha fatin ida ne’e labele halo asaun imi tenke kopera ho guarda prizaun sira hodi buka solusaun ” Tenik Fransisco Andrade.
Iha fatina hanesan Diretor Servisu Saude Municipio Covalima Filipe Pereira Lemos hatutan Unicef fasilita konaba Material Higene ba Prizoneiros sira ne’e ho valor nebe bo’ot tanba liu husi Material Higene ne’e bele ona ajuda hodi prevene Covid -19 ne’e.
“ Unicef fasilita ita mesmuke sasan sira ne’e ita hare simples maibe sasan sira ne’e ninia Benefisiu iha, bele ajuda ita oinsa ita halo prevensaun ba moras Covid nebe agora la’o hela iha mundu nune’e mos iha Timor no agora iha Covalima mos sa’e maka’as no iha ita nia prizaun ida ne’e emi nain ne’en nulu resin tolu ( 63 ) mak ita izola hela iha fatin izolamento prizaun ne’e , hein katak ita bo’ot sira pasa ona no labele tan halo transmisaun tan ba kolega sira seluk iha prizaun laran, ho ida ne’e mak ita nia Agensia Unicef Timor Leste fo ajuda ita ho Material Higene nian ba ita bo’ot sira hodi bele uja nune’e hodi prevene moras Covid iha ita bo’ot no liu liu iha Prizzaun ne’e ” Diretor Servisu Saude Munisipio Filipe Pereira Lemos.
Entertanto tuir observasaun husi jornalista RCCT nota katak Material Higene hirak ne’e mak hanesan sabaun, tolha ,rinso, pasta-dente no seluk tan nebe mak fahe ba prizoneiros nain ne’en nulu resin tolu ( 63 ) nebe mak pozitivu Covid -19 iha prizaun Suai
Jornalista : Saturnino Soares
Editor :Chamor Nahac
