Covalima (RCCT) 21-01-22, Uniaun Agrikultura Munisipiu Covalima (UNARCO) hamutuk Organizasaun Perma Agrikultur Timor Leste (Permatil), Kadalak Sulimutu Institutu (KSI) inklui Instutu Edukasaun Popular (IEP) hamutuk ho membru grupu halo konservasaun ba Be no Rai iha Aldeia Lokeu Suco Debos Postu Administrativu Suai.
Sekretáriu Jeral Uniaun Agrikultura Munisipiu Covalima Rosalino Pereira hateten objetivu husi konservasaun ne’e oinsa bele hamoris fali Be Matan tuan ne’ebé maran bainhira tempu bailoro.
“Atividades ne’ebé ami halo iha Aldeia Lokeu ne’e konaba konservasaun Be ho Rai, nia funsaun konaba konservasaun Be ho rai ne’e maka ita halo Bebu no travasaun ba sira, ne’ebé ami fiar katak atividades ida ne’e it abele hamoris fali bee matan tuan ne’ebé maka maran bainhira tempi bailoro” Rosalino dehan iha Aldeia Lokeu (21/01)
Rosalino esplika duránte ne’e sira halo ona konservasaun ba Be no Rai iha Postu Maukatar Suco Holpilat, inklui Postu Administrativu Fatumea.
“Konservasaun ba be’e no rai ida ne’e ami hamutuk ho kolega sira husi Parmatil halo ona konservasaun iha Fatumea Postu Vila, ida iha Postu Maukatar Suku Holpilat Aldeia Lela ne’e mos ami grupu baze ida naran Maha-Male depois ida ne’e maka agora dadaun ami iha Lokeu Foho” Rosalino hateten.
Enkuantu Be matan tuan ida ne’ebé lokaliza iha fatin ne’e, bainhira tempu bailoro Be matan ne’e maran halo komunidade sira susar atu asessu ba Be mos.
Entretantu konservasaun Be no Rai iha Aldeia Lokeu ne’e, membru na’in 30 maka hala’o aktividade konservasaun ne’e, no total husi membru ne’e kompostu husi Grupu Morfon, Goronto inklui Hatasan.
Jornalista : Tynho Gusmão & Aje Ferreira
Editór : Chamot Nahac
