Covalima ( RCCT ) 20-10-,21 Organizasaun Feto Mundial UN Women, servisu hamutuk Diresaun Nasional Prevensaun Konflitu Komunitario (DNPKK) fo formasaun ba Mediador sira husi Instituisaun Governu no Sosiedade Sivil Sira iha regionais sira nebe mai husi Municipio Ainaro, Manufahi (Same) inklui Municipio Covalima.
Iha formasaun ne’e Konsultan UN Women apoiu DNPKK Olinda de Oliveira informa , formasaun ne’e atu forma mediador sira husi Linas-Ministeriais no Sosiedade Sivil sira atu asegura mediasaun nebe sensivel Bazeia ba Geneiro.
“Formasaun ida ne’e ami halo iha Reginal, husi Munisipio Ainaro no Manufahi mai hamutuk iha Iha Municipio Covalima, Objetivu husi formasaun ida ne’e oin atu forma Mediador sira husi Linas- Ministeriais kompostu husi Sosiedade Civil,Konselho do Sucod inklui ho OPS Suco sira iha Covalima atu asegura Meidiasaun Sensivel bazeia ba geneiru ” Informa Konsultan UN Women Olinda Oliveira
Iha Fatin hanesan Xefe Solusaun Rezolusaun Konfilitu husi DNPKK Evalina da Costa Guterres hateten formasaun bazeia ba geneiru ne’e ita tenke implimenta iha Nasaun Timor Leste atu nune’e feto no mane iha direitu hanesan.
“ Ita presiza habelar nafatin ba komunidade tenke iha balansu tantu feto no mane,maibe dala barak iha familia sira nia let sei aplika sistema patrikar, patriakar ne’e katak buat hotu hotu mane sira mak foti desizaun feto la bele foti desizaun no mos feto sira la iha oportunidade atu tuir atividade ruma, dala barak ida ne’e mak akontese bebeik iha ita Nasaun laran liu-liu iha Municipio, Posto no to’o iha Suco laran, ho ida ne’e mak husi UN Whomen Hamutuk ho DNPKK fo formasaun ba Mediador sira hodi fahe tutan imformasaun hirak nebe mak sira hetan husi formasaun ne’e ba familia sira iha kada Suco no Aldeira sira, nune’e hodi hamenus Sistema patriakar iha ita nia nasaun laran ” Hatutan Xefe Solusaun Rezolusaun Komfilitu husi DNPKK Evalina da Costa Guteres.
Nune’e partisiapantes iha Formasaun ne’e, Diretor Diresaun Terras no Propriedades (DTP) Munipio Manufahi Damião Barreito da Costa de Araujo hateten formasaun ne’e partenente ho servisu halo mediasaun ba problema ka disputa rai.
“Formasaun ida ne’e Partenente tebes oinsa ami bele halo prosesu mediasaun liu liu iha ami nia servisu Diresaun Terras no Propriedades iha Munisipio Manufahi tanba iha ami nia Municipio, problemas barak mak ami hasoru kona ba disputa rai entre Governu ho Komunidade no komunidade ho komunidade sira ,tamba ne’e liu husi formasaun nebe ami hetan kona ba mediasaun ida ne’e ami mos sei aplika fali iha ami nia Diresaun DTP atu nune’e bele hetan solusaun husi problema disputa Rai iha ami nia Municipio Laran ” Dehan Diretor DTP Manu Fahi Damiao barreito da Costa de Araujo
Entertantu Formasaun ne’e organiza husi UN Women hamutuk ho Diresaun Nasional Prevensaun Komflitu Komunitaria (DNPKK) nebe realiza iha Salaun Centro Comunidade Covalima, Partisipa maximu husi Linas-Ministeriais no Sosiedade Civil sira husi Municipio Ainaro no Manufahi inklui Municipio Covalima formasaun durante loron rua ( 2 ) hahu iha loron Kuarta Feria 20-10-21 no remata iha loron Kinta Feira 21-10-21.
Jornalista : Saturnino Soares
Editor : Chamot Nahac
