Covalima (RCCT) 17-08-21 Familia Uma Lisan Au Mutin iha Aldeia Holba Suco Taroman Postu Administrativu Fatululik ho inisiativa rekolla restus mortais hamutuk 80, no husi total restus mortais ne’e maioria membru Familia husi Uma Lisan Au Mutin.
Ba Jornalista sira Representante Uma Lisan Au Mutin Raimundo Hendriques hateten, Total restus mortais 80 nebe rekolla ne’e, balun mate tanba hamlaha no Balu hetan tiru husi Militar Indoensia iha funu ba Libertasaun Nasional.
” Ami Uma Lisan Au Mutin, ami rekolla ona restus mortais ba Familia Au Mutin hamutuk walu-nulu (80) nebe mate iha 1975, maibe balu la hetan ruin nebe balu simbolika ami foti deit fatuk, balun mate tanba kilat musan tan deit buka ukun rasik an ida ne’e, balun mos mate tanba hamlaha iha funu laran, maibe Estadu fo sai ona atu rekolla, maibe to’o agora ami Fatululik seidauk rekolla restus mortais nebe mate iha 1975, tanba ne’e maka ami ho inisiativa halibur restus mortais hirak ne’e” Raimundo dehan iha uma lisanAu Mutin segunda feira (16/08)
Raimundo haktuir Total orsamentu nebe Familia Uma Lisan Aimutin kontribui hamutuk Dolares Amerikanu $ 3.250.00, hodi halo rate ba restus mortais hirak ne’e.
” Ami Uma Lisan Au Mutin ne’e rasik, ho inisiativa halo kontribuisaun tuir ami nia kbit’it hamutuk Dolar rihun tolu atus rua lima nulu ($ 3.250), hodi halo rate ba ami nia restus mortais walu nulu (80) “ Raimundo haktenik.
Raimundo Informa, Restus Mortais 80 ne’e, to’o agora seidauk iha rejultadu maske hatama ona dokumentos ba Komisaun sira, tamba ne’e representante husi Uma Lisan Au Mutin Raimundo husu Governu atu tau matan ba restus mortais hirak ne’e tanba sira mate ba ukun rasik an.
” Hau nia Tiu naran “Mali Dawak” nebe hetan tiru husi Tentara Sira,hamutuk depois ho sira ne’ebe maka ami alista ona ne’e maibe ami hatama ona dokumentus ba Komisaun sira, maibe rejultadu ba ami ne’e la iha nafatin” Raimundo dehan.
Engkuantu Raimundu Informa, bainhira Governu buka tuir restus mortais sira, Uma Lisan Au Mutin dadaun ne’e prepara ona restus moratis hamutuk 80.
Entretantu observasaun Jornalista RCCT Iha terrenu hatudu, dadaun ne’e rate ba restus mortais husi Uma Lisan Au Mutin hamutuk 80 maka remata ona iha Loron ohin (16/08).
Jornalista : Tynho Gusmao
Editor : Chamot Nahac
