Udan boot Rezulta Ponte Loomea Hela Metru 1 Atu kotu

Covalima (RCCT) 16-11-21, Hafoin akontese udan boot iha Teritorio Nasional Timor Leste no mos Munisipiu Covalima rezulta ponte Loomea nebe partense iha Aldeia Bora Ikun Suku Tashilin Postu Administrativu Zumalai Aldeia Maukola Suco Beco Postu administrativu Suai, hela deit metru ida atu kotu, Hodi Difikulta Populasaun atu halo movimentasaun Kapital Covalima ba Postu Administrativu Zumalai uja transporte publiku.

Tanba ne’e hodi nia oin komunidade Suku Tashilin Evalisa Mendonça informa preokupasaun ba jornalista, ponte Lomea sai ameasa bo’ot ba komunidade Postu Administrativu Zumalai tanba impede atu halo movimentu ho kareta, liga ho kondisaun ponte hela deit rohan atu kotu.

” Ami husu ba ita nai ulun sira se bele ateru rai halo metin it oan,
kada tinan udan ne’e sempre ateru deit mak ponte rohan ho rai henek ne’e, entaun udan makas ne’e mota lori bebeik, ne’ebe ágora dadaun kareta labele liu,so motor deit,tanba hela deit mak rohan, tanba ne’e Husu ba Nai ulun sira sebele ateru halo metin”
katak kominidade Suku Tashilin Evalisa Mendonsa.segunda (15/11)

Iha sorin seluk representante motorista Mouzinho perreira, husu ba Autoridade sira atu toma atensaun ba ponte ne’e, tanba kada tinan sempre akontese bebeik.

” Agora ami lori kareta labele liu,tanba hela deit metru ida, ne’ebe amu husu ba Autoridade Postu hato’o ba Munisipiu bele hadia ho tempu lalais It oan, nune’e ami bele halai ho kareta diak,” Katak Motorista Mouzinho

Nune’e mos Suco Tashilin Martinho Magno hato’o ona ba Administrador Postu Zumalai kona ba kondisaun ponte Loomea.
” horseik kalan mak akontese udan bo’ot hodi estraga ponte ne’e hela deit rohan.ha’u hato’o ona ba ita nia nai Administrador Postu, ne’ebe ita nia administrador sei hato’o ba Munisipiu, nune’e bele responde,” Hateten Xefe Suco Tashilin

Entretantu Xefe Suco Tashilin imforma iha tinan kotuk Institut Gestao Equipamento( IGE ) mak hadia ona, Tan ne’e Xefe Suco Martinho husu ba Autoridade Munisipiu no Postu atu responde ho emerjensia, tanba ponte ne’e ligasaun dalan Nasional.
Jornalista: Ansa Nunes
Editor : Chamot Nahac