Trata Karta Kondusaun-Motorista Rihun Ida Resin hatama Reseitas $ 27,860.00 ba Kofre Estadu Liu husi DTT-Covalima

Covalima ( RCCT ) 08-09-21, Diresaun Transporte Trestre (DTT) iha Munisipio Covalima hatama orsamentu rihun rua nulu resin hitu atus walu nen nuluh ( $ 27.860.00 ) Dollares Amerikanu husi atendementu ba produz karta kondusuan foun no halo renivasaun ba karta kondusaun.

Tuir Diretor Diresaun Transporte no Trestre Munisipio Covalima Joaguim Gusmão kolia ba Jornalista sira iha nia servisu fatin hatetn reseitas ne’e Akumula husi Sidadaun sira nebe mak halo inkrisaun Foun atu tuir exame hodi hetan karta kondusaun 1.864 nebe hatama reseitas hamotuk $. 27. 540 no mos nain 14 nebe halo renovasaun ba karta kondusaun hodi hatama reseitas ho total $ 320.00.

Nune’e Diretur Joaquim dehan Osan hirak ne’e Klientes sira selu direita iha Banku Nasional do Comercio Timor Leste ( BNCTL ) iha Covalima.

Iha fula Julho Tinan 2021 ema sira nebe mak halo inskrisaun atu hetan karta kondusaun hamutuk ema 1.864 ba kategoria nebe la hanesan, balu atu hetan karta kondusaun A1, A2, B1, B2, C1 no balu hakarak hetan C2, no iha ema nain 14 mak nebe mak ninia karta kondusaun prazu liu ona, ne’e sira nain rasik ba selu iha BNCTL- Covalima Hamotuk osan $ 27 860.00 Dollares Amerikanu Informa Diretor Joaguim Gusmão

Diretor DTT ne’e hatutan inskrisaun ba motorista sira ne’e remata ona no tuir mai atu implementa exame eskrita no pratika ba motorista maibe seidauk realiza tanba ligado ho situasaun Serka Sanitaria nebe Governu Aplika ba Municipio Covalima.

Ami halo ona planu ekipa Nasional atu mai Munisipiu Covalima, hodi fo teste ba Morotista sira nebe mak tuir inskrisaun maibe ekipa Nasinal la bele mai tanba ho Situasaun Serka Sanitaria, Iha Covalima halo hotu ona inskrisaun ba motorista sira ne’e maibe exame eskrita no Pratika mak seidauk implementa tanba ho situasaun serka sanitaria ” tenik Diretor Joaguim Gusmão.

Entertantu tuir Diretor DTT Munispiu Covalima Joaquim Gusmão hateten wainhira Serka Sanitaria remata iha Munisipiu Covalima, mak bele implementa fali exame eskrita no pratika ba motorista sira nebe mak selu ona osan iha Banco Nasioanl do Komersiu Timor Leste ( BNCTL ) Covalima hodi Kontribui Reseitas kofre Estadu nian.

Jornalista : Saturnino Soares

Editor     : Chamot Nahac