Trata Ema Difiensia ho Dignidade hanesan Sidadaun Seluk-SSS Realiza Sosializasaun ba Estudante ETV Cristal Suai

Letratu :Diretór Nasional Diresaun promosaun pretesaun ba Ema difisiensia, Mateus da Silva/Foto RCCT/Chamot Nahac

Covalima(RCCT)-16-05-22–Sentru Solidaridade Sosial (SSS) Covalima no Diresaun Nasional promosaun pretesaun ba ema difisiensia, halo Sosializasaun ba Estudante sira iha Eskola Tekniku Vokasional Cristal Suai Konaba Planu Asaun Nasional no Politika Nasional ba ema ho difisiensia ba estudante ho difisiensia sira, nune’e ema hotu hotu bele iha koñesimentu hodi hatur ema ho difisiensia sira iha diretu ne’ebé hanesan ho Sidadaun sira seluk.

Sosializasaun ne’e nesesariu ba ema hotu atu iha koñesimentu hodi trata ema ho difisiensia ho dignidade fo oportunidade no hatur diretu ho hanesan Sidadaun sira seluk.

”Ami para fahe informasaun ka halo Sosializasaun ba politika Nasional no planu asaun Nasional ba Ema ho difisiensia Sira, politika ne’e Nasional ninian katak tenki kobre Munisipiu no teritoriu tomak, nesesaria ba Ita atu fahe duni ba Ema hotu-hotu atu nune’e bele iha kuñesemetu oinsa bele trata ema ho difisensia ka estudante ho difisensia Sira ho dignidade no oportunidade ho respeitu no Sira mos iha Direitu hanesan ho sidadania Sira seluk,” Diretór Nasional Diresaun promosaun pretesaun ba Ema difisiensia, Mateus da Silva.

”Diretor Nasional Mateus da Silva Fundamenta Sosializasaun hanesan antes ne’e realiza ona iha Eskola sira iha Munisipiu Manatutu, Aileu, Maliana, Bobonaro.

Sosializasaun ida ba Eskola, antes ne’e ami halo iha Eskola Manatutu,Aileu,Maliana,Bobonaru no seluk-seluk tan iha Munisipiu sira hotu, tamba Sosializasaun ne’e ita halo iha teritoriu laran tomak informasaun ne’e ita tenki fahe” Tenik Mateus da Silva.

Alende halo Sosializasaun ba Estudante sira Sentru Solidaridade Sosial Covalima hamotuk ho Diresaun Nasional Promosaun Pretesaun ba Ema difisiensia, Sosializa mos politika Nasional no planu asaun Nasional ba Ema ho difisiensia ne’e ba Autoridade Lokal sira.

Jornalista : J. Lopez

Editor      : Chamot Nahac