Covalima (RCCT),23-06-21, Centru Comunidade Covalima liu husi Programa Ho Musan Ida (HMI), nebe hahu prosesu iha tinan 2017, no komesa implementa iha tinan 2019 nebe hetan suporta finanseiro husi União Europeia, Oxfam Australia, no Friends of Suai/Covalima, iha Kuarta Feira ohin (23-06) CCC halo pagamentu ba to’os na’in sira hamutuk 37 iha Postu Administrativo,Tilomar Suco Lalawa.
Tuir Diretur Centru Comunidade Covalima (CCC) Alberto de Jesus Barros haktuir, total Orsamento ne’ebe maka selu ba to’os na’in 37 ne’e hamutuk, $ 4,120.00, ba total aihun 8240, no ai-hun ida hetan centavo 50.
“ To’os nain sira nebe maka kuda ai-horis ne’e, aihun ida hetan 50 cen, ne’ebe periodu ohin loron ne’e hetan subsidiu hamutuk ema tolu nulu resin hitu (37), no total orsamentu nebe maka ohin loron selu , to’os nain sira ne’e hamutuk Dolares Amerikano $.4,120.00 ba ai hun rihun 8240” Dehan Diretur CCC Alberto de jesus baros.
Diretur CCC Alberto mos husu nafatin Komunidade ou to’os na’in sira iha Postu Administrativu Tilomar Suco Lalawa atu nafatin halo kopera ho Centru Comunidade Covalima atu nune’e programa ne’e bele lao ho di’ak.
“Ami Centru Comunidade mos husu nafatin comunidade ou toos nain sira atu kopera nafatin atu nune Ai-horis kuda nafatin iha postu Admistrativu Tilomar no husu mos servisu hamutuk ho ekipa centru comunidade covalima ba husu mos informasaun no dokumentos balu nebe maka persija,ba iha gool estandar nebe maka atu akredita internasionalmente, hodi nune sentru komunidade Covalima bele habelar liu iha postu seluk ” Hateten Diretur CCC Alberto De Jesus.
Diretur Alberto mos klarifika, Centru Comunidade Covalima, iha ona planu desde uluk kedas atu inplementa programa Ho Musan Ida ( HMI), atu dezemvolve tan Postu rural hanesan Postu Fatumea no Fatululik.
“Centru Comunidade mos Planu iha tinan uluk kedas, atu habelar tan postu rural nebe,dook husi area dezemvolvimentu,hanesan postu fatumea no postu fatululik, programa ho musan ida-rai-matak,ho nia kriteria ida,estandar internasional, nebe kriteria oi-oin tenki apresenta, notas enkontru,lista prezensa,konaba tekniniku,informasaun husi benefisiariu no seluk tan STAR, seidauk habelar iha postu seluk se wainhira,seidauk hetan akreditasaun husi nivel internacional ho naran GOOL STAR” Dehan Albertu De jesus Baros.
Nune’e tuir Observasaun Jornalista RCCT iha tereno nota katak, CCC halo pagamentu ba to’os nain sira iha Postu tilomar n’ee partisipa husi, Komandante PNTL Municipio Covalima, Administrador Municipio Covalima, Comandante F-FDTL Postu Tilomar, Comandante Jestaun Krizi, Xefe Suco Lalawa, inklui ho Komunidade ou to’os nain sira.
Jornalista: Aliansa selfina
Editor : Chamot Nahac
