Tinan 50 Resin Maria Labele La’o Mesak- Kuñadu Jeronimo ho familia la lakon Vontede-2017 Xefe Aldeia husu Kadera Roda iha Sosial Seidauk Responde To’a Agora

Letratu: Tur iha Kadera; Maria de Araujo “Difisiente Fisiku” Hamrik; Maria nia Bin Bo’ot Silvia de Araujo/ Foto RCCT; Chamot Nahac

Covalima (RCCT) 17-05-22—Maria de Araujo, hela iha Aldeia Ai Oan Suku Lalawa, Postu Administrativu Tilomar, Maria nia Idade Kuaze Lima Nuluh resin ona, nia moris mai ho kedas kondisaun difisiensia Fiziku, halo nia ain no liman mamar difikulta atu bele la’o no halo movimentu mesak kaundu hetan tulun husi nia bin bo’ot.

Maria de Araujo hela ho ninia Bin bo’ot Silvia de Araujo no nia la’en Jeronimu da Silva, Difisiensia Maria hanesan mos oan kiak ida ne’ebé lakon ona nia inan no aman iha tempo naruk liu ba. Durante ne’e Maria hetan atendimentu husi nia bin bo’ot Silvia ho Kuñadu Jeronimo.

Maske tinan barak ona atende no bali Kuñada Maria neebe moris ho kondisaun Difisiensia Fiziku maibe Jeronimo ho nia Familia la lakon Vontade no Domin ba Maria.

Nia Ha’u nia Alin (Kuñada), nia bin bo’ot mak tur ne’e, Nia moras Kleur ona, 32 tahun ona, hahu iha tinan 1987, ha’u tanggung jawab hanesan baibain deit, ita lori liman rua mak buka osan, nia bin kredit iha moris rasik pois fila liman mak lori hare nia no sustenta ami nia moris kalan loron.” Maria nia Kuñadu Jeronimo da Silva Konta ba RCCT iha nia rezidensia Segunda Feira horsehik.

Jeronimo kontinua, durante atende nia ho familia fo asistensia di’ak ba Maria, maibe susar ba Maria tanba nia labele la’o mesak ba kolker fatin.

Durante ami atende nia, ha’u ba halo to’os, buka lori mai, pois sira tein fo han ba nia, nia bin sira fo haris nia, fo hatais nia,” Tenik Jeronimo da Silva.

Iha Fatin hanesan Manuel Amaral, Xefe Aldeia Ai Oan, Suku Lalawa, Postu Administrativu Tilomar, klarifika konaba kodisaun ninia Povu Maria de Araujo infrenta kedas husi nia moris mai, tan ne’e nia informa katak hahu husi tinan 2017 hanesan Xefe Aldeia Ai Oan rekomenda ona Kodisaun Fiziku Maria nia ba Ministeriu Solidaridade Sosial atu haetan Apoiu kadera roda maibe to’o agora seidauk hetan resposnde.

Nia Kndisaun hanesan ne’e kedas, nia iha Kondisaun Difisiensia Fisik ne’e komesa husi ki’ik kedas to ‘o nia bo’ot, agora tama ona ba idade besik tinan 50 tahun ba leten ona, Ha’u rekomenda hahu kedas iha tinan 2017, ba iha Sosial husu ajuda Kursi Roda, maibe to’o ohin loron sia la fo kursi roda ba nia” Katak Xefe Aldeia Ai Oan Manuel Amaral ba Jornalista RCCT iha Maria de Araujo nia Uma, Segunda feira (16/05).

Nia salienta, maske seidauk hetan Apoiu Kadera Roda husi Ministeriu Kompotente bazeia ba nia rekomendasaun, maibe Agora Difisiensia Fisika Maria de Araujo hetan ona husi Apoiu husi Ministeriu Sosial ne’ebé sai hanesan benefisiariu hodi kada fulan neen simu osan dalan ida husi Governu Timor Leste.

Husi Sosial ajuda ba nia hanesan ema difisiente, fulan ne’e hetan osan difisiente nian dala ida, foin dadaun ema husi Ministeriu Sosial nian iha Postu mai foti tan dadus konaba nia” Katak Manuel.

Maske nune’e Xefe Aldeia ne’e Komenta, Nia Povu Maria, Persija tebes atu hetan Apoiu Kadera Roda neebe nia rasik rekomenda ona ba Servisu Sosial Covalima iha Tinan 2017 liu ba, nia mos husu ba entidade balu ne’ebé fuan bo’ot hakarak ajuda nia povu bele liga direta ba ninia numeru telefone 75761277 ka bele liu husi Radio Comunidade Cova Taroman,

Nia Persija tebes atu hetan kursi Roda, ne’ebé maka ha’u rekomenda ba Sosial durante Tinan 5 ka 6 ona ne’e, se bele karik ajuda maluk balu mak hakarak ajuda karik bele liga direta mai hau nia numeru telefone 75761277 Ka bele fo liu husi Radio Cova Taroman” Lideransa Maximu iha Aldeia Ai Oan ne’e husu Ajuda.

Enkuantu tuir Informasaun ne’e Xefe Aldeia Ai Oan fo ba RCCT, Maria de Araujo Uluk hela ho nia Aman no Inan, maibe depois de nia mak husik hela mundu ne’e iha 2020 mak foin Maria hela fali ho nia bin bo’ot Silvia de Araujo no nia la’en Jeronimo da Silva hodi hetan atenmendu loro loron.

Jornalista : Juvita Ximenes

Editor       : Chamot Nahac