Covalima ( RCCT ) 30-11-21, Durante Tinan hat (4) ona Estudante iha Eskola Bazika Central ( EBC ) Katolika Fohorem la Asesu ba Merenda Eskolar tanba Fundasaun Katolika no Ministerio Edukasuan dun malu kona ba Alokasaun Orsamentu, Nune’e Konsidera Ministerio Edukasaun halo Diskrimisaun ba Estudante sira.
Diretur EBC Katolika Fohorem, Manuel dos Santos, husu ba Ministeriu Edukasaun Juventude no Desportu (MEJD) labele halo Diskriminasaun Entre Eskola Katolika no Eskola Publiku sira, tanba durante ne’e estudante sira ne’ebé iha eskola publiku mak hetan merenda eskolar maibe Estudante sira husi eskola Katolika la asesu Merenda Escolar.
“ Ha’u husu ba Ministerio Edukasaun labele halo Diskriminasaun entre Eskola Katolika no Eskola Publiku sira, tamba programa ne’ebé mak trasa husi Governu konaba Merenda Eskolar, Estudante hotu iha Direitu atu hetan hotu, tanba sa mak Estudante sira Eskola iha Katolika lahetan maibe, Estudante sira ne’ebé mak eskola iha publiku mak hetan bebeik Merenda Eskolar, tanba ne’e wainhira ami enkontru Jeral ha’u hato’o bebeik ba responsavel maximu husi estadu ka Governu maibe responsavel maximu sira responde ami nia peguntas dehan ba eskola katolika sira ita fo ketak liu husi Dioseze sira tuir fundasaun Katolika sira nia Konta Bankaria ” Diretur EBC Katolika Fohorem Manuel dos Santos Ijiji.
Diretur ne’e mos Informa, Antes ne’e hato’o ona Preokupasuan ne’e ba Fudasaun sira husi Dioseze sira maibe hetan responde katak laiha orsamentu kolokadu hotu ona iha Municipio maibe Estudante sira iha Eskola katolika nafatin la hetan Asesu ba Merenda Eskolar.
“ Husi Parte fudasaun ka Dioseze mai mos ha’u sempre hato’o maibe dioseze ka fundasaun sira hatan ha’u nia perguntas dehan programa Merenda Escolar ne’e, Governu rasik mak koloka direitamente ba Municipio sira, maibe ami husu fali ba iha responsavel Edukasaun Municipio nian sira hatan katak Governu koloka ba iha Dioseze sira, entaun hanesan mos husi Governu no Dioseze hanesan dun malu fali ba orsamentu Merenda EsKolar ne’e, maibe tuir lolos ema ne’ebé mak sai hanesan estudante iha eskola Publiku ou Katolika sira mos ida Direitu hanesan tanba ita hotu nudar Sidadaun Timor Oan no Labele hare fali Eskola Katolika no Publiku ” Tenik Diretur EBCC Fohorem Manuel dos Santos.
Entertantu Diretur Eskola Bazika Central Katolika Fohorem Manuel dos Santos hateten hato’o bebeik ba responsavel Maximu husi Estadu ka Governu liu husi Ministerio Edukasaun no mos hato’o bebeik ba Fundaun Katolika Dioseze kona Problema estudante iha EBC Katolika Fohorem Lahetan asesu ba Merenda Eskolar ne’e, maibe ate agora la iha reponde sira nia preokupasaun hirak ne’e durante tinan ha’at ( 4 ) resin ona.
Jornalista : Saturnino Soares
Editor : Chamot Nahac
