Tempo Badak Sei Inaugura UKL Tolu Iha PA Tilomar

Covalima (RCCT) 09-05-22– Ekipa Jestaun ba Programa Nasionál Dezenvolmentu Suku (PNDS) iha Postu Administrativu (PA) Tilomar realiza enkontru ho Autoridade lokal sira ne’ebe ko’alia Planu preparasaun ba inaugurasaun Uma Kbiit Laek (UKL) tolu, iha Suku Lalawa, Aldeia Ai-oan, ne’ebe atu realiza iha Dia 22 de Maui 2022.

Ba jornalista sira fasilitador sosial PNDS PA Tilomar Aquinelio Antonio Sarmento do Rego Barros hateten iha enkontru ida ne’e hodi estabelese mos Komisaun Organizadora ba Inaugurasaun UKL Tolu iha Suku Lalawa ne’e.

Ami hala’o enkontru ohin loron ne’e, ami konvida autoridade Postu, Suku no Ekipa Jestaun rasik no matenek oan balu husi PA Tilomar atu tau hanoin lisuk halo preparasaun ba Inagursaun UKL ne’ebe atu inagura iha dia 22 de Maiu Tinan ne’e no ohin ami enkontru konsege hetan ona komisaun organizadora no sesaun tuir mai kada seksaun sei aprezenta sira nia planu” dehan Fasilitador Sosial PNDS PA Tilomar Aquinelio Antonio Sarmento do Rego Barros iha Salaun Adminitrasaun PA Tilomar Segunda Feira ohin.

Nia Fundamenta osan ne’ebe uja ba inaugurasuan ne’e preve hamotuk ho planu orsamentu kontruksaun ninian mak aloka mos ba sosa movilariu no halo inaugurasaun.

Fundus ne’ebe mak uza hodi halo inagurasaun ne’e ekipa implemetasaun jere husi fundus infrastrutura ne’ebe mak hodi halo implemetasaun restu, kunado kompleta ona infrastrutura no hodi kopmleta moviliarios balu no ida ne’e restu mak sei jere hodi halo inagura”dehan Aquenelio

Iha sorin seluk Administradór Postu Administrativu (PA) Tilomar Benedito Maia hatete bazeia ba vizita sira ne’ebe halo hodi hare direita konstruksaun UKL ne’e, Komunidade Benefisiariu sira haksolok ho apoiu ne’ebe Governu fo sira.

Sira ne’ebe mak atu hela ne’e, bainhira ha’u ba vizita, sira haksolok, sira agradese ba estadu no dehan “ami labele halo uma ida ne’e maibe governu halo ona mai ami no uma ne’ebe mak ami hela ho dignu ” dehan Administrador Postu Administrativu Tilomar Benedito Maia

Nia dehan tuir observasaun ne’ebe halo durante ne’e, konstrusaun UKL iha Tilomar, Suku seluk la’o la normal tanba iha mundansa ba presu materia ne’ebe iha kontratu lahanesan presu material konstrusan agora (atual).

Husi ha’u observasaun rasik, durante konstrusaun UKL iha Suku seluk la’o hakat para no agora dadaun sei para tanba Kompaña fornesedor material konstrusaun tarde iha momentu kontratu presu material la hanesan maibe agora presu material konstrusan sa’e. nia haktenik

Entetantu iha Tinan 2021 Munisipiu Covalima Simu projetu konstrusaun Uma Kbiit Laek hamutuk 90 hodi implementa iha Suku 30 Postu Administrativu 7 ho total Orsamentu hamutuk $ 1,491.000.

Jornalista : Jhana Cardoso

Editor       : Chamot Nahac