Covalima ( RCCT ) 04-12-21, Momentu Reprezenta Administrador Municipio Covalima iha Serimonia Intrega osan ba Grupo Feto sira iha Sede Suco Maudemu, Francisco Tatamero husu Feto sira atu labele Joga Karta no Bingo maibe tenki Maneza Osan.
Lia ne’e hato’o iha Kinta Feira (02/12) foin lalais iha Sede Suco Lalawa Wanihira Reprenzenta Administrador Covalima hodi Partisipa iha programa ne’ebé Sekretaria Estadu Igualidade no Inkluzaun ( SEII ) halo Asina Akordu ho Grupu Feto 16 hodi fo apoiu $ 32.000.00 ne’ebé kada grupu hetan osan dollar Amerikanu $ 2000.00.
“ Husu ba grupu feto osan ne’ebe mak imi hetan husi governu tenke halo negosio no manezamentu ne’ebe diak labele gasta arviru tuir imi nia hakarak, Feto sira labele hanoin deit mak taru ka jogu Karta no Bingo no mos loron labele buka utu deit hodi konta ema seluk nia vida negative, hanesan mos feto sira iha Lakonak no Holbelis, loron buka mane sira tur tan malu hodi tula ain ba malu mak halo jogo karta no bingo,no mos konta ema seluk nia vida negative, ida ne’e labele ne’e la iha valor ba iha imi nia uma laran ” Francisco Tatamero Dehan.
Nune’e mos Francisco Tatamero enkoraza grupu feto sira ne’ebé mak hetan ona apoiu orsamentu husi governu liu husi SEII atu bele susesu iha negosiu ne’ebé feto sira halo.
“Orsamentu ne’ebé governu apoiu liu husi SEII ba ita bo’ot sira nia grupu ne’e di’ak liu ita bo’ot sira halo movimentu, loke negosiu ruma atu nune’e ita bo’ot sira nia grupu bele susesu no hetan osan funan barak nune’e hodi osan funan ne’ebé haruka imi nia oan sir aba eskola mos bele hodi han hemu iha uma laran ” Tenik Tatamero.
Entertanto iha Fatin ne’e Reprezentante Francisco Tatamero husu ba Grupu Feto iha Covalima ne’ebé hetan ona Apoiu Orsamentu husi SEII ne’e tenke loke negosiu ne’ebé di’ak atu nune’e grupu bele moris di’ak, no nia husu ba feto sira iha Covalima loron labele hanoin buka mak Joga karta no Bingo maibe, tenke halo servisu ne’ebé mak di’ak atu nune’e bele responde nessesidade uma laran nian.
Jornalista : Saturnino Soares & Sofia de Araujo
Editor : Chamot Nahac
