Covalima (RCCT) 08-12-21, Iha Lansamentu ba Muzeum Municipal ne’ebe hala’o iha Monumentu Masakre Setembru Negro Suai, Tersa feira (07-12), Francisco Mendonça da Costa Kodigu Tatamero, Muzeum ne’e sai Fatin arkiva ba Luta Na’in Sira nia Istoria.
Iha Fatin ne’e Saseluk Administrador Municipio Covalima iha serimonia Lansamentu Muzeum Municipal Iha Covalima ne’e Realiza iha Suco Debos, Francisco Mendonça da Costa “Tatamero” hateten, Covalima iha ona fatin ne’ebé bele utiliza hodi Arkiva Istoria Luta Na’in sira nian, nune’e Jerasaun Foun sira bele hatene Memoria ne’ebe akontese iha tempo Passadu.
” Ohin Ita iha ona Mini Muzeum iha Covalima hamutuk ho Autoridade Municipal hamutuk, Diretór Ezekutivu CNC ninian, ne’ebé ohin Ita iha ona Fatin atu arkiva istoria hirak ne’ebé mak Mai husi luta na’in, funu na’in Sira hanesan hori kalan orador na’in 5 hanesan luta nain Konta ona Sira Nia istoria iha passadu ne’e Sai hanesan Istoria iha Timor Leste no mos espesialmente Istoria iha Covalima, Ema iha Timor Leste mos bele hatene ona katak Ema husi Municipio Covalima mos luta ba funu hodi kontra okupasaun Indonesia iha Timor Leste, Istoria hirak ne’e sai hanesan dokumentus aban Bain rua Ita Nia jerasaun foun Sira Wain Hira le’e historia hirak ne’e sai hanesan referensi Ida ba Sira ” Saseluk Administrador ba Lansamentu Muzeum Municipal, Francisco Mendonça da Costa “Tatamero ” informa liu husi nia Diskursu.
Francisco Mendonça Haklean 07 de Dezembru 1975 wainhira Indonésia halo invazaun iha Timor Leste Lori Tristeza ba Timor Oan hotu iha Tempo Ne’eba, maibe ohin (07 dezembru 2021) Covalima hetan vitoria tanba Lansamentu ona Muzeum iha Municipal Covalima.
“ Ha’u hakarak dehan mos ita lembra loron 07 de Dezembru 1975 loron Invazaun Indonésia iha Timor Leste, ne’e loron nakukun, loron ne’ebé tristeza ba ita, aproveita ohin ita iha Covalima lansa mini Muzeum memorial iha Municipio Covalima, ne’e marka vitoria ida ne’ebé uluk iha loron 07 Dezembru 1975 ita triste maibe 07 de Dezembru 2021 ita kontente tanba ita iha ona Muzeum ida iha Covalima hodi rai historia luta libertasaun Timor Leste nian” Katak Tatamero.
Entertanto Saseluk Administrador Municipio Covalima ba iha Sermonia Lansamentu Muzeum Municipal Covalima, Francisco Mendonça da Costa “Tatamero” dehan Istoria konaba luta na’in Covalima sira halo, sei hakerek hodi tau iha Mini Muzeum Municipal Covalima, nune’e Jerasaun foun sira bele lee hodi hatene Istoria funu ba Libertasaun Nasional ne’ebé Hala’o iha Covalima.
Jornalista : Saturnino Soares
Editor : Chamot Nahac
