Covalima (RCCT) 12-11-21, suspeitu na’in tolu, ne’ebe Ministeriu Publibku akuza ho krimi prostituisaun infantil no krimi violasaun seksual ba minoridade, Quinta Feira (11/11) Tribunal Distrital Suai halo ona premeiru intregatoriu no Aplika Medida Koasaun Prizaun Preventiva ne’ebe previstu iha kodigu penal artigu 175 no violasaun sexual hasoru minoridade iha artigo 182 kodigu final.
Notisia Relevante: https://www.rcct.tl/pntl-covalima-kaptura-suspeito-trafiku-humanu-nain-tolu-iha-covalima-nain-rua-fen-ho-laen/
Advogadu privadu Escolatus Nunes iha tribunal suai hafoin akompania nia klientes na’in tolu ho Inisial CG tinan 51 (Mane), MDC tinan 47 (Mane) no CDC tinan 30 (feto), hateten ministereu publiku akuza nia klientes tuir aetigu ne’ebe previstu iha kodigu penal artigu.
“ Akuzasaun husi ministeriu Publiku ba kliente, iha ne’eba akuza ho krimi rua, krimi prostitusaun infantil no krimi abuzu seksual ba minoridade sira” Katak Advogado Escolatu Nunes.
Advogadu Privadu ne’e akresenta liga ho Ida ne’e tribunal desidi fo medida koasaun prizaun preventiva ba nia klientes nain tolu hodi hein prosesu tuir mai.
“Tribunal fo despaixu ba judisiariu ba arguidu sira iha prosesu aplika medida koasaun tuir tribunal nia hare ne’ebe adekuada no asegura iha prizaun preventiva” Nia haktenik
Entertantu Antes ne’e arguidu na’in Tolu PNTL Covalima liu husi Unidade Investigasaun kaptura iha Suco Labarai, Postu Administrativu Suai, ema nain rua hanesan kazal ida tanba fen no la’en nebe deskonfia envolve trafiku humanu no oferese mos fatin ba atividade prostituisaun, no ida seluk kaptura iha Sukaer Laran, Aldeia Tabakolot Besik bazar Suco Debos, tanba uza labarik feto minoridade ne’ebe ofrese husi kazal nain ida ne’e.
Jornalista : A.Nunes / J.Cardoso
Editor : Chamot Nahac
