Covalima (RCCT) 21-01-22, Bazea ba Kalendariu Ministeriu Edukasaun Juventude no Desportu (MEJD) Aban (22/01) sei fo sai rezultadu Ezame Estudante Finalista sira nian iha Municipio Covalima.
Ba Jornalista sira Diretór Edukasaun Munisipiu Covalima Rui Suri Seran informa, aban sabado mak foin fahe informasaun konaba Rezultadu Ezame Estudante Finalista Nian, ne’ebé sei fo sai iha kada eskola iha teritori Covalima
” Aban mak ami foin fo avizu ba Eskola sira iha Munisipiu Covalima, tanba agora ami mos seidauk bele loke ka hare rezultadu estudante finalista sira nia valor” dehan Diretur Edukasaun Municipio Covalima Rui Suri Seran
Rui Suri Seran esplika, Servisu Edukasaun Munisipiu Covalima seidauk Serteja ho Numeru estudante finalista nian mak passa no hira mak la passa.
” Kona ba Estudante passa ou la passa sira ne’e, aban mak foin hatene los, ne’ebé aban ne’e mak foin na’in hira mak la passa no hira mak passa ne’e mak ita foin hatene lolos” katak Rui Suri Seran
Entretantu Diretór Servisu Edukasaun Munisipiu Covalima hateten, Estudante ne’ebé la partisipa iha Ezame Nasional hamutuk 17 iha Municipio Covalima
Jornlista : Aje Ferreira
Editor : Chamot Nahac
