Suku Suai Sai Vensedor ba Kompetisaun Dansa Kultura iha Ambitu Komemorasaun 20 Maiu 2022

Covalima (RCCT) 21-05-22, Komemora 20 Maiu ba dala XX iha Covalima, Komisaun Organizadora (KO) ba Eventu ne’e liu husi Seksaun Kultura realiza Kompetisaun Dansa Kultura ne’ebé hala’o ona iha Loron 18 Fulan ne’e.

Partisipa iha kompetisaun ne’e hamotuk grupu sanulu resin rua, kompostu husi Suku Lima Mak hanesan Suku Debos, Suku Kamenasa,Suku Suai, Loro, Suku Labarai no Suku Beco no Eskola ne’ebé Tuir kompetisaun iha eskola lima Mak hanesan, Eskola Sekundaria Sekundaria Jeral Publika Suai, Eskola Teknika Vokasional Akar Laran, Eskola Sekundaria Katolika Ave Maria Suai, Eskola Teknika Vokasional Kristal Suai no Eskola Kafé Suai no Husi grupu treinado rua Mak hanesan grupu Lenkede Ogues no Grupo Primavera Matai.

Ho nune’e Sexta Feira horsehik (20/05) depois remata Serimonia Hasa’e Bandeira ba Komemorasaun Loron Restaurasaun Independensia Timor Leste ba Dala XX, KO liu husi Seksaun Kultura fo sai rezultadu ba manan na’in iha Kompetisaun ne’e no fahe premiu ba vensedor sira.

Tanba ne’e KO Liu husi Ekipa juri anunsiu rejultadu kompetisaun ba dansa Kultura ka tebedai hamotuk grupu 7 maibe husi Suku Suai Loro mak hetan Primeiru lugar.

Hetan Primeiru Lugar mak Grupu Tebedai husi Suku Suai Loro no Segundu Lugar husi Eskola Katolika Ave Maria Suai, no Terseru lugar husi Suku Kamenasa”, manan dahat husi Eskola Sekundaria Jeral Publiku Suai, Manan Na’in Dalima husi Suku Debos, Daneen husi Eskola Kafe no ikus liu husi Suku Labarai” KO Anunisia Rezultadu Kompetisaun dansa Kultura iha Kampu Ladi (20/05) hafoin remata Serimonia hasa’e Bandeira.

Enkuantu Antes ne’e iha Loron 18 Fulan Maiu Xefe Seksaun Kultura Informa ona ba Jornalista sira Konaba Valor osan ba Manan na’in ne’ebé kategoriza ba Primeiru Lugar no Terseru Lugar nomos valorizasaun osan transporte ba Grupu sira ne’ebé kagoria eliminadu.

Manan na’in ba primeiru lugar sei hetan premiu no osan montante $175.00, Segundu Lugar hetan $150, Terseru lugar hetan $125.00 no sira ne’ebé la liu ne’e Komisaun sei valoriza sira selu Osan transporte ho montante dollar lima nulu kada Grupu” Katak Nia

Iha ambitu Komemorasaun 20 Maiu ba dala XX iha Covalima, Alende iha kopetisaun dansa kultura iha mos kompetissaun ba Diskursu Publiku Estudante Eskola Sekundaria sira, no Sertame ba Estudante Ensino Bazika sira.

Tan ne’e Sexta Feira horsehik KO fahe mos premiu ba Manan na’in kompetisaun Diskursu Publiku Primeiru Lugar husi Eskola Katolika Ave Maria Suai, Segundu Lugar husi Eskola Kafe Suai, no Terseru lugar husi husi Eskola Katolika Ave Maria Suai,

No Manan na’in ba Kopetisaun Sertame ba Estudante Ensino Basiku mak Primeiru lugar husi Eskola Bazika Sentral Sandalo, Segundu lugar husi Eskola Bazika Central de Saõ Luis Gonzaga no Terseru lugar husi Eskola Bazika Central de Suai Loro.

Notisia Relevante : https://www.rcct.tl/francisco-alves-prezerva-kultura-hatudu-identidade-timor-nian-ba-mundu/

https://www.rcct.tl/komemora-20-maiu-2022-ebc-9-partisipa-kompetisaun-sertame-iha-covalima/

Jornalista:Juvita Ximenes/ Alia Cardoso

Editor : Chamot Nahac