Covalima (RCCT) 17-05-2022, Organizasaun Arte Marsial (OAM) PSHT, Domingo (15/05) halo Abertura ba atividade Ezersisiu, iha Bairo Holbelis, Aldeia Roek, Suku Labarai Postu Administrativu Suai Munisipiu Covalima maibe parte Sub-Komisaun Regulador Arte Marsial (Sub-KRAM) la marka presensia.
Administrador Postu Administrativu (APA) Suai Luzino do Rego iha nia diskursu informa, Prezidenti Sub-KRAM Munisipiu Covalima la marka prezensa tanba OAM PSHT seidauk priensie rekezitus Administrativu iha Sub-KRAM.
“sira parte Sub-KRAM la marka prezensa tanba tuir informasaun kumunikasaun ne’ebé mak ha’u halo ho ita nia Strutura Sekretariu PSHT Munisipiu ninian Damião Amaral katak, sira la marka prezensa tanba ita seidauk priense prosesu Administrativu.” Hatete Luzino do Rego.
Nia hatutun, Juridikamente hetan OAM PSHT hetan ona legalizasaun husi tribunal Rekursu maibe Administrativamente presija priense rekejitus Administrativu nian.
“Jurídikamente, ita legal Administrativamente ita sei presija tan priense rekejitus Administrativu balu tanba ne’e mak Sub- KRAM la marka prezensa iha ne’e, Maibe ita fiar katak atividade sira ne’e la’o tanba iha ona legalizasaun husi tribunal rekursu”. Hatete Luzino do Rego.
Luzino do Rego husu ba Arte marsias PSHT kria amizade ho arte marsia ne’ebé existe iha Suku Labarai hodi la bele kria instalidade iha Suku laran.
“ Ita bo’ot sira nia atividade ne’ebé agora atu la’o labele para mak mantein nafatin kria amizade entre arte Marsial ne’ebé mak existe iha ne’e, hodi labele kria instabilidade iha Suku laran.” Hatete Luzino do Rego.
Tuir informasaun Jornalista RCCT nota katak atividade ezersisiu OAM PSHT kontinua kedas depois de halo abertura husi Administrador Postu Administrativu Suai.
Jornalista : J Correia/J Lopez
Editor : Chamot Nahac
