Covalima (RCCT) 26-08-21, Diretor STAE Munisípiu Covalima Claudio Cardoso hateten husi Fulan Julhu to’o Agostu tinan ne’e Eleitores hamutuk 972 maka trata kartaun Eleitoral iha STAE Covalima, husi total Eleitores 972 ne’e kompostu husi Eleitores foun 660, no Eleitores aktualiza hamutuk 312.
Lia ne’e hato’o iha Kinta-Feira ohin (26/08) iha nia kna’ar fatin Edifisíu STAE Munisipiu Covalima.
“ Ba Eleitores potensial atinji 16 anos ne’ebe maka mai ona halo Kartaun Eleitoral iha Fulan Jullu hamutuk 530 depois iha Agostu Semana ida ne’e nian hamutuk 130, ne’ebe Eleitores foun deit maka hamutuk 660 depois ba Eleitores aktualiza sira husi Jullu mai Agostu ne’e hamutuk 312, sira ne’e maka troka Eleitoral ida ne’ebe maka att, tohar sira ne’e ” Claudiu informa.
Nia Haktenik tuir lolos Fulan Jullu ne’e halo ona lansamentu ba atendimentu Eleitores sira iha Postu, maibe polítikamente ekípamentus ne’ebe maka atu distribui ba iha Postu sira seidauk mai husi Nasional.
“Tuir lolos dia um de Jullu ne’e ita halo ona lansamentu ba atendimentu ba Eleitores sira iha Postu, maibe politikamente ekipamentus ne’ebe maka atu fahe ba Postu sira ne’e to’o agora seidauk mai iha Munisipiu, tamba ne’e maka agora mos ita nafatin hanesan ne’e deit, maibe ami sei esforsu para oinsa tempo badak bele hahu fali ” Claudio haktuir.
Diretor STAE Munisipiu Covalima nafatin husu ba Joventude sira ne’ebe atinji ona idade 16, atu hakat ba STAE Munisipiu Covalima hodi prense rekezitus ne’ebe iha holdi bele hetan kartaun Eleitoral.
Jornalísta : Tynho Gusmão
Editor : Chamot Nahac
