STAE Covalima Finaliza Pagamentu Insetivu ba Kada Poling Staff hetan $ 90.00

Covalima (RCCT) 05-05-22, Sekretariadu Tekniku Administrasaun Eleitoral (STAE) Covalima finaliza ona pargamentu insentivu ba poling staff sira ne’ebé presta sira nia servisu iha eleisaun Prezidensial segundu volta ne’ebé realiza iha dia 19 fulan Abril 2022.

Diretór STAE Munisipiu Covalima Francisco Gusmão iha nia intrevista informa , STAE Covalima hahu halo prosesu pagamentu subsidiu ba poling staff sira iha loron ruanulu resin sia Fulan kotuk (29-04)

Ami konklui ona pagamentu insentivu ba poling staff sira ne’ebé presta sira-nia servisu eleisaun prezidensiál segundu volta, iha sentru votasaun no estasaun votasun ne’ebé estabelese, iha Munisipiu Covalima” Dehan Francisco Gusmão ,iha nia kna’ar fatin kuarta ne’e (04/05).

Nia hatutan Orsamentu ne’ebé mak STAE Covalima halo pagamentu subsídiu ba poling staff sira, liu husi kustu operasionál tamba ne’e STAE Covalima halo jestaun kada sentru votasaun poling staff na’in-ida hetan insentiviu Dollar Amerikanu sia nulu( $ 90.00 )

“Bazea STAE halo kontratu ho poling staff sira hala’o servisu durante loron tolu ne’ebé kada poling staff sei hetan insentivu $ 90.00 ho nune’e kada sentru votasaun STAE aloka $ 900.00 no iha sentru Votasaun rua STAE aloka $ 1, 800.00” Diretór STAE Covalima Francisco Gusmão Klarifika.

Entretantu Durante realiza eleisaun STAE Covalima estabele Sentru Votasaun hamotuk 80 ho Estasaun Votasaun 92, kada poling staff ema-ida hetan insentivu $ 90.00 total poling staff iha Covalima hamutuk 920 tan n’e total montante osan insentivu ba poling staff sira hamutuk $ 82,800.00

Reportazen: Jhana Cardoso

Editor        : Chamot Nahac