SSSI Covalima Seidauk Remata Foti Dadus Komunidade Problema Bem Star Sosial

Covalima (RCCT) 23-09-22 Sentru Solidaridade Sosial no Inkluzaun (SSSI) Covalima seidauk finaliza levantamentu dadus komunidade ba ema ho problema bem star sosial.

Diretór Sentru Solidaridade Sosial no Inkluzaun (SSSI) Covalima, Agapito Asis, hateten tekniku sentru Solidaridade Sosial seidauk Finaliza halo levantamentu dadus mak iha Postu Administrativu Zumalai no Suai.

Nia dehan tekniku Sentru Solidaridade Sosial seidauk kobre levantamentu dadus komunidade ho problema bem star iha Postu Administrativu (PA) Suai no Zumalai, maibe falta deit Suku no Aldeia balun, Iha Pastu Suai hela deit Suku Beko no Kamenasa mak falta aldeia balu mak seidauk kobre hotu, no iha Zumalai falta deit suku sira mak hela iha area rural ne’ebé difisil asesu estrada no menus rekursu umanu.

Prosesu levantamentu dadus komunidade ho problema bem star sosisal, ba etapa primeiru ne’e, ita tama ona iha Postu Administrativu sira hotu, dadus ita enkamiña hotu, maibe tanba tempu no menus rekursu iha suku balun, ita seidauk kompleta mak iha Postu Administrativu Zumalai no Suai.” Katak Diretor SSSI Agapito Asis ba Jornalista sira iha resintu Kongregasaun Irmãs Hospitaleira, Iha Santa Rosa, Suai, Sexta Feira (22/09)

Enkuantu Postu Administrativu Zumalai sei falta Suku sira mak hanesan Suku Osekai, Lepo, no Suku Lour, tanba Suku sira ne’e dok liu nune’e difisil asesu trasporte no menus rekursu umanu tanba lokaliza iha area rural.

iha Suku balun ne’ebé mak seidauk tama, agora dadaun ita nia tekniku sira iha terenu hela hodi rekolla dadus, para fulan ida ne’e atu kompleta dadus sira ne’e atu nune’e bele enkamiña dadus ba Ministeriu hodi hare asuntu hirak ne’e” Tenik nia

Dadaun ne’e SSSI Covalima finaliza ona halo levantamentu dadus iha Postu Fohorem, Fatumea, Fatululik, Maukatar inklui Suai maibe sei falta Suku balun, hanesana Suku Kamenasa no Beko.

Maske hasoru difikuldade menus rekursu umanu, maibe diretor SSSI Agapito Asis, buka meiu no esforsu atu tekniku sira nafatin halo levatamentu dadus iha trenu, liu liu iha Postu Administrativu sira ne’ebé mak seidauk konsege Finaliza, nune’e bele remata hodi submente ba Nasional.

Jornalista : Moises Madeira

Editor     : Chamot Nahac