Covalima, (RCCT) 16-07-21, Servisu Saúde Municipal (SSM) sei halo sensiblizaun ba komunidade sira kona-bá Virus Corona Variante Delta iha área fronteira iha Covalima.
Tanba geografikamente Municipio Covalima area nebé vijiñu ho Nasaun Indonesia, nune’e presija atu halo sensbilizasaun ba komunidade hodi bele preve Covid-19 vatiante delta atu la bele tama mai iha Timor- Leste.
Kasu lia ba Jornalista Diretur Servisu Saude Municipal Covalima (SSM) Filipe Pereira Lemos hateten, sidadaun husi nasaun indonesia nebe hakarak, tama mai Timor-Leste ba dadaun ne’e, sei taka provijorio, tanba atu evita moras covid-19 variante delta, atu nue’e labele tama mai iha Nasaun Timor-Leste.
“ema estrangeiro husi indonesia atu ilegal ou legal labele tama mai Timor-Leste, atu nune’e ita bele proteze moras ida ho naran variante delta labele tama mai timor-leste” katak diretur SSM Filipe Pereira Lemos.
Tan ne’e, Diretur Filipe Salienta, moras covid-19 variante delta oras ne’e, espalha ona iha Nasaun Indonesia, tanba ne’e Servisu Saude Municipal Covalima iha ona planu sensibilizasaun hodi evita transmisaun ba variante delta.
“informasaun nebe espalha iha media social katak iha indonesia iha ona moras variante delta, maske ita seidauk simu orientasaun husi parte nivel central, hanesan servisu saude munisipal, servisu iha area fronteira tenki halo planu sensiblizasaun atu nune’e bele evita transmisaun ba moras variante delta” Diretur SSMFilipe Pereira Lemos Fundamenta.
Entretantu Servisu Saude Municipal Covalima halo ona planu sensiblizasaun ba iha Aldeia 18 atu nune’e komunidade sira iha fronteira bele hatene no nafatin kumpri regras estadu emergensia (FF) nebe fo sai husi Ministerio da Saunde no Organizasaun Mundial Saude (OMS).
Jornalista : Ansa Nunes
Editor : Chamot Nahac
