SSK-Suai regista ema na’in 12.058 simu ona vasina-Na’in 6.055 Seidauk

Covalima ( RCCT ) 07-09-21,Setru Saude Komunitaria (SSK) Suai registu ema nain rihun sanulu resin rua lima nulu resin walu(12.058) mak simu ona vasinasaun doze I no Vasinasaun doze II.

Tuir dadus vasinasaun nebe RCCT Asesu iha SSK-Suai ema na’in rihun sanulu atus ida sia resin hat (10.194) mak simu ona vasinasaun Doze I no ema nebe simu vasinasaun kompletu ou Doze II hamutuk ema nain rihun ida atus walu nen nulu resin hat ( 1.864 ).

Engkuantu durante ne’e Pesoal saude sira halo ona vasina ba komunidade sira iha Suco 5 nebe lokaliza iha Postu Administrativu Suai (Kamenasa, Debus, Labarai, Suai Loro no Suco Beco) hamutuk ema nain rihun rua atus hitu resin walu (2.708) mak simu ona vasina Covid-19 doze I no Doze II.

Entertantu tuir dadus nebe Jornalista RCCT asesu iha SSK-Suai nebe Kobre ba Area Postu Administrativu Suai iha Suco 5 hamotuk ema na’in rihun nen lima nulu resin lima (6,055) mak seidauk simu Vasina Covid-19.

Observasaun Jornalista RCCT nota katak iha SSK-Suai nafatin atende Komunidade nebe mai simu Vasinasaun.

Jornalista : Saturnino Soares

Editor       : Chamot Nahac