Covalima (RCCT) 01-06-21 Autoridade Municipio Covalima halo enkontru ho sosiedade sivil sira iha salaun Administrasaun Municipio Covalima hodi ko’alia konaba situasaun global Pandemia covid – 19 nebe infrenta mos iha Nasaun Timor Leste. Enkontru ne’e ho objetivu atu update informasaun ba malu hodi kolabora servisu hamutuk entre Governu lokal ho sosiedade sivil sira iha Municipio Covalima.
Iha enkontru ne’e Reprezentante Sosiedade Sivil Municipio Covalima Manager World Vision João Moniz hateten iha situasaun Serka Sanitaria (SS) nia laran komunidade sira iha Postu Administrativo Zumalai nafatin halo atividade Futu Manu bebeik, Tanba Nia husu ba Autoridade seguransa PNTL atu kontrolu ema sira nebe mak halo atividade ida ne’e.
“Wainhira ita iha situasaun SS nia laran komunidade iha Postu Zumalai naftin hala’o atividades Futu Manu, ho atividade ne’e ami parceiru sosiedade sivil halo promosaun maibe ema balu hateten ba ami nia parseiru, katak imi labele halo promosaun ka fahe informasaun mai ami tanba saida mak imi atu oho ami komunidade tanba ami labele halo atividades hirak ne’e,” Dehan Manager World Vision Municipio Covalima João Moniz.
Manager World Vision Municipio Covalima hatutan Xefe do Suco balu mos dehan siiedade sivil halo promosaun ka fahe informasaun katak ema komunidade sira labele halibur malu liu husi ema na’in 10 ba leten maibe aktividade Futu Manu iha Postu Zumalai nafatin hala’o, João Moniz kontinua hatutan Xefe Suco sira nia lian.
“Maibe Xefe Suco ne’e husu oinsa Sosiedade no autoridade seguransa sira nia hare ema sira barak nebe mak halo atividades futu manu ne’e, husu ba autoridade seguransa bele kontrolu ba atividades hirak ne’e tanba iha Municipio Covalima ita taka atividade publiku hirak ne’e hotu iha situasaun Serka Sanitari nia laran.” João Moniz hatuir Xefe Suco nia lian.
Enkuantu hatan ba sugestaun ne’e Super Intendente PNTL Municipio Covalima Antonio Maria de Sa hateten seguransa nafatin halo kontrolo ba atividade hirak nebe mak ita taka probizorio iha situasaun SS ida ne’e liu liu ema sira nebe mak futu manu iha Posto Zumalai no iha fatin seluk.
” Ba atividades futu manu nebe mak ohin Manager World Vision hateten iha Posto Zumalain ema sei halo atividades futu manu maibe ami komandu nafatin halo kontrolu ba atividades hirak ne’e bain hira ami nia parte kaer toman sira tenke prosu tuir lei ne’be mak vigora ona ” Dehan Super Intendente PNTL Municipio Covalima Antonio Maria de Sa.
Entertanto iha enkontru ne’e Super Intendente PNTL Municipio Covalima deklara seguransa nia knar sei halo kontrolu nafatin ba komunidade sira nebe mak halo atividade publiku hanesan futu manu, Bola guling no atividade seluk nebe ita taka provizorio iha Serka Sanitari nia laran.
Jornalista : Saturnino Soares
Editor : Chamot Nahac
