Covalima (RCCT) 01-09-21 Tersa-Feira horiseik (31/09) Diretor Servisu Alfandega iha Porta Entrada Salele Munisipiu Covalima Nuno Nugueira hateten, dadaun ne’e mosu Serka Sanitaria iha Covalima maibe la iha despaixu ruma husi Ministériu Interior atu suspende aktividades importasaun sasan iha Fronteira.
Diretor Alfandega Porta Entrada Salele Munisipiu Covalima Nuno Nugueira informa, dadaun ne’e mantein ho despaisu númeru 40 husi Ministériu Interior.
“ Ita Covalima Serka Sanitaria inklui Munisipiu Baukau, maibe ita iha Covalima ne’e agora dadauk seidauk iha despaixu foun husi Ministériu Interior, ohin ha’u mos konfirma ona ho komandante Imigrasaun nebe ita manteim nafatin ho despaixu anterior númeru 40 ne’e, sasan sira bele tama nafatin” Nuno Nugueira dehan (31-08-21) iha ninia Knar Fatin
Diretor ne’e esplika, Servisu Alfandegas Covlima mantein ho despaisu anterior númeru 40, tamba ne’e aktividades importasaun sasan kontinua la’o iha fronteira, maibe ema maka la bele tama, nia hatutan bainhira ema ruma atu tama mai, tenke halo pedidu ba iha Ministériu Estrangeiru.
“ Ita mantem ho despaixu anterior númeru 40, nebe Sasan sira bele tama, maibe ema nafatin la bele tama, so ema nebe maka tama tenke halo pedidu ba Ministériu Estrangeiru, hanesan sira Timor Resourse ne’e, foin dadauk nain hiras iha tama mai, maibe sira ne’e halo pedidu ba Ministériu Estrangeiru ” Nuno hakotu.
Jornalísta : Tynho Gusmão
Editor : Chamot Nahac
