Covalima ( RCCT ) 24-05-21 Relasiona ho pandemia Covid-19 Governo Implementa Serka Sanitaria no konfinamentu ba komunidade sira iha teritorio Timor Leste inklui mos iha Municipio Covalima.
Ho ida ne’e Diretor ONG Hametin Lia Tatoli (HLT) Sipriano Meneses iha nia intervista hateten tuir Sosiedade Sivil nia observasaun estadu Implementa serka sanitaria (SS) ho komfinamentu Domisliiaria Obrigatorio ne’e hamate nia komunidade sira iha area rural nia moris.
“Tuir Ami Sosiedade Sivil nia observasaun katak Serka Sanitaria ( SS ) ho komfinamentu Domisliiaria Obrigatorio ne’e, Ha’u hanoin hamate liu ita nia komunidade sira iha area rural sira nia moris tanba sira atu kuda sira nia modo no lori ba fa’an iha merkadoria Municipio susar tebes entaun ida ne’e hodi hamate sira nia moris ba tempu ida agora tanba komunidade sira labele fa’an iha mekadu ” Dehan Diretor ONG HLT Sipriano Meneses.
Tanba ne’e hanesan Sosiedade Sivil rekomenda ba governo kria deit regra distansiamento nune’e komunidade sira bele buka sira nia moris hodi fa’an sira nia produtu lokal iha merkadoria.
“Hanesan Sosiedade sivil rekomenda ba Governu se bele Governu kria regras distansiamentu deit, hodi nune’e komunidade sira bele buka sira nia moris iha merkadu Municipio hodi fa’an sira nia produtu lokal sira nebe mak komunidade sira iha, tanba iha Municipio Covalima kria SS no konfinamentu Domisliiaria Obrigatorio ida ne’e hamate komunidade sira nia moris iha parte Ekonomia, Nia hatutan tanba agora estadu iha krizi politika, projeto la iha ba komunidade atu servisu durante tinan tolu ( 3 ) ona ekonomia mate total.” Tenik Diretor ONG HLT Sipriano Meneses.
Entertanto tuir informasaun nebe mak espalha iha publiku, relasiona ho moras Covid-19 nebe sa’e maka’as iha Municipio Covalima autoridade lokal foti desizaun taka merkadu lokal sira iha posto hotu iha Municipio Covalima atu minimiza daet Covid-19 ne’e .
Jornalista : Saturnino Soares
Chamot : Chamot Nahac
