Covalima ( RCCT )17-06-21 Wainhira halo Talksow iha Studio Radio Cova Taroman Quarta (16-06) Sosiedade Sivil CVTL-Covalima no Centro Comunidade Covalima (CCC) konsidera Implementasaun EE no SS tanba Covid-19 fo impaktu Sosio no Ekonomi ba Kominidade sira iha Covalima.
Durante Talksow Cordenador CVTL-Covalima Domingos Grafilha Amaral hateten durante Estadu Emergensia ( EE ) no Serka Sanitaria ( SS ) nia laran komunidade sira menus halo movimentu no la asesu ba merkadoria hodi fa’an sira nia produtu lokal sira nune’e bele hetan osan.
“ iha Serka Sanitaria nia laran ita hare komunidade sira halo movimentu menus ne’e mos ‘hanesan fo impaktu ekonomiku ba komunidade sira nia moris liga liu ba ema k’biit la’ek sira tanba ita hatene katak merkadu taka no ita hotu tenke kumpri regras Serka Sanitaria, no oin sa ho komunidade sira ne’ebe iha negosiu ki’ik sira ne’e susar tanba sira fa’an produtu ruma mak foin hetan osan, ho ida ne’e ita hare emjeral ita hare katak ne’e fo impaktu duni iha ekonomia.” Informa Cordenador CVTL filial Covalima Domingus Grafilha Amaral.
Nune’e Diretur Centro Comunidade Covalima Alberto de Jesus Barros hatutan tuir observasaun nota katak durante Ambito ambito EE no SS nia laran Komunidade sira difisil atu sustenta nesesidade Uma kain ninian.
“Observasaun husi Centro Comunidade Covalima komunidade sira susar atu asesu ba merkadu atu fa’an sira nia sasan mos atu sosa sasan sira ne’ebe mak sira presiza ba nessesidade familia nian, ho ida ne’e mak komunidade sira iha fatin-fatin sempre halerik kona ba la iha ai-han tanba ne’e GNO hotu-hotu hamrik hodi servisu hamutuk ho Governu hodi fo apoiu ba ita nia komunidade sira nebe mak hetan susar iha situasaun Estadu Emergensia ho Serka Sanitaria nia laran” Informa Arbertu de Jesus Barros iha Talksow ne’e.
Diretur CCC ne’e mos Akresenta iha Ambito EE no SS ne ‘e komunidade sira nebe hela iha Area Rural hanesan iha Postu Administativu Sira difisil liu atu bele asesu mai kapital Municipio Covalima.
“liu-liu ba komunidade sira nebe mak hela iha posto sira difisil atu mai iha capital hodi fa’an sira nia sasan no atu sosa sasan hirak nebe mak atu hatutan sira nia moris” Tenik Diretor Centro Comunidade Covalima Alberto de Jesus Barros.
Jornalista : Saturnino Soares
Editor : Chamot Nahac
