Covalima (RCCT) 09-07-21, Sosiadade Sivil sira iha Covalima realiza sorumotu harmonizasaun entre parseriu devolvimentu nune’e bele halibur ka kolekta Programa kada Ong sira nian nebe atu imolementa iha Covalima.
Depois de sorumutu Coordenador CVTL Municipio Covalima Domingos Gavrila Amaral iha intervista hateten, liu husi sorumotu ne’e atu bele hatene area intervensaun sira nebe Sosiedade sira sei implementa program nebe tenki hala’o ho Justu
“Objektivu ba enkontru loron ohin nian, atu diskuti kona ba Programa implementasaun husi Sosiedade Sivil hotu iha Covalima, atu nune’e ita bele hatene katak, programa hirak ne’e, justu ka lae iha Municipio Covalima, no area enterven tuir ida-idak nia Programa nebe mak iha” dehan Cordenador CVTL Domingos Gavrila Amaral
Domingos Gavrila Amaral fundamenta iha enkotru ne’e iha agenda 4 nebe mak ko’alia, hanesan aprejentasaun Programa, atendementu husi Pesoal Saude, sirkulasaun Ekonomia iha situasaun Pandemia Covid-19 la’o ladun di’ak, liu-liu liga ba desminasaun informasaun ba komunidade sira bele hola parte iha Vasina Covid-19.
“Ita iha agenda hat mak ko’’alia, primeiro aprejentasaun programa, oinsa atendement husi Pesoal Saude ba iha Komunidade sira atu nune’e ita hotu koperasaun diak hodi kontribui ba iha Vasinasaun ida ne’e, sirkulasaun Ekonomia iha situasaun Pandemia Covid-19 ne’e komunidade barak mak halerik ba iha rendimentu uma kain no mos ai han la iha sira susar tebes atu asesu no oinsa sira atu fila liman liu-liu ita liga ba iha desminasaun informasaun oinsa komunidade sira atu bele partisipa iha Vasinasaun ne’e” tenik Gavrila Amaral
Domingos Gravila mos dehan Sosiedade Sivil nafatin halo reuniaun hodi fahe informasaun iha Municipio Covalima, no liga liu ba iha problema Sosial, no mos liga iha implementasaun progama, atu nune’e bele kompleta malu.
“Sosiedade Sivil kada fulan sempre halo reuniaun hodi fahe informasaun iha Municipio Covalima, nebe ita liga liu ba iha problema Sosial, no mos implementasaun programa, atu nune’e ita bele kompleta malu no hodi suporta ba iha servisu Governu nian” hakotu Gavrila Amaral.
Sorumutu ne’e realiza iha edifisiu World Vison iha Suco Kamenasa, bairo haskaduak.
Jornalista : Aje Ferreira
Editor : Chamot Nahac
