Covalima ( RCCT) 06-01-21, Administrador Municipio Covalima halo sosializasaun ba Xefe Suco 30 kona ba mata dalan insentivo ekstra ordinaria Suco iha Municipio Covalima.
Administrador ne’e hateten sosializasun mata dalan insentivo ekstra ordinario suco ne’e hodi selu ba Xefe Suco sira no Xefe Aldeia sira nomos ba iha pessoal nain lima nebe maka husi suco ba iha programa sexta basika hodi distribui sasan sexta basika ba iha komunidade.
“objetivo husi sosializasaun ba loron ohin kona ba matadalan insentivo ekstra ordinaria ba konselhu Suco sira iha Munisipsio Covalima nebe orsamentu ne’e transfer husi ministerio finansas, ba iha konta bankaria suco nian hodi selu ba iha xefe suco sira, pesoal apoiu suco, xefe aldeia ,ho apoiu ema nain lima husi suco ba iha programa sexta basika.”Afonsu Nuquera Nahak relata.
Administrador hatutan, ba suco sira nebe maka remata ona ba distribuisaun sexta basika hotu ona bele ba iha banku hodi foti osan hodi halo pagamentu.
“Ba suco nebe maka remata ona ba iha distribuisaun sasan sexta basika bele hakat ba iha banku hodi foti osan hodi selu ba sira nebe maka fahe sasan sexta basika no ba sira nebe maka seidauk simu iha postu suai kompostu husi suco lima sei hein husi diresaun nasional tanba iha tempo badak ministerio komersio sei tun direita hodi halo distribuisaun sasan sexta basika no husu ba komunidade sira atu pasensia hodi hein” Administrador haktuir
Tuir informasaun nebe RCCT Asesu iha terenu, distribuisaun sasan sexta basika iha Municipio Covalima, komunidade sira kumpri duni regras estadu emerjensia hodi uza maskra hodi halo prevensaun ba iha Covid-19.
Jurnalista : Lito de Jesus
Editor : Chamot Nahac
