Covalima (RCCT) 10-05-22, Yosefina Nunez, hela iha Suku Kasabauk, Postu Administrativu Tilomar, Munisipiu Covalima, Tinan Rua ona Sofre moras Ain liman Maten (Struk) hahu 2020 to’o agora.
Yozefina Sofre Struk iha Isin lolon parte los (k’wana) no senti moras iha maka’as iha parte ain no liman wainhira tenta halo movimentu ba mai.
Oan Mane Bo’ot husi Yozefina Nunez, Vitorino Tobu Fahik informa nia inan Yozefina Nunez durante ne’e tulun ai moruk husi Madre Sira iha Klinika Audian Suai.
“Nia moras struk tinan 2 ona, hahu kedas iha 2020, to’o ohin loron buka ai moruk lahetan, ema husi fatin barak hanesan hospital mos mai ajuda, madre sira kongresaun iha Audian mos mai fo Ajuda mai fo ai moruk” Vitorino Esplika.
Vitorino Tobu Fahik husu mos ba iha Gobernu bele ajuda nia inan Yosefina bazea nesesidade moras struk mak hanesan kursi roda atu Nune’e Nia bele bo’ok an ba Mai iha Uma laran.
“Bazeia ba ninia moras, ita persija iha ba nia mak kadeira roda para nia bele book an ba mai iha uma laran, ida ne’e mak hanesan uan husi ba Governu atu Ajuda” Tenik Votorino.
Engkuantu Vitorino Fahik Oan Mane Bo’ot husi Yosefina Nunez esplika nia parte la senti todan atu buka hahan hodi sustenta nia inan nia nesesidade maibe nia persija liu ajuda husi Governu atu fo Kadera Roda hodi Apoiu Inan Yosefina bele halo movimentu iha uma laran.
Jornalista : J Correia/ Jojo Lopes
Editor. : Chamot Nahac
