SM-GMT Covalima Sei Muda Vendedor Merkadu Suai Nebe Fa’an Besik Estrada Ibun

Covalima (RCCT) 20-09-21, Fa’an na’in (Vendedor) sira iha Merkadu Suai barak maka Fa’an sasan iha Trotoal leten ka Estrada ibun, nune’e halo Sosa nain (Kompradores) sira la tama no hare sasan iha Merkadu laran maibe sosa deit sasan nebe maka iha Merkadu oin hodi Difilulta Movimentu Transporte (kareta no Motor)

Diretor Servisu Munisipal Gestaun Merkadu no Turizmu (SM-GMT) Munisipiu Covalima Damião Amaral hateten, SM-GMT Sei muda tama Fa’an na’in (Vendedor) sira iha Merkadu Suai, nebe Fa’an sasan iha Estrada ibun ba Merkado Laran.

” Tempu besik sei halo asaun hamutuk ho Seguransa sira, hodi muda sira nebe fa’an sasan iha Estrada ninin ka iha Trotoal tama hotu ba iha Merkadu laran, tanba estrada ne’e transporte Públiku sira atu halo movimentu entaun ida ne’e risku ba sira, depois Fa’an modo fatin iha laran ne’e agora fa’an fali obralan ona, tanba sira nia hanoin katak fa’an iha oin ne’e maka iha oportunidade diak para Ema atu sosa” Damião dehan iha Salaun Administrasaun Munisipiu Covalima (20/09).

Diretor SM-GMT Munisipiu Covalima Damião Amaral hateten, Fatin ba Fa’an nain (Vendedor) sira iha Merkadu Suai sei Sufisiente, maibe fa’an na’in (Vendedor) sira maka la iha Konsiensia atu fa’an sasan iha Merkadu laran.

” Ema sira ne’e fa’an nanis ona iha Merkadu laran La’os foun, sira nia Fatin iha laran iha Hela maibe agora mamuk, tanba sira hanoin katak fa’an iha oin ne’e maka oportunidade di’ak Ema Sosa lalais, tanba ne’e maka sira hadau loss oin ne’e “ Damião Informa.

Entretantu Fatin ba Vendedor sira iha Merkadu laran sei sufisiente, tanba ne’e Diretor Servisu Munisipial Jestaun Merkadu noTurizmu Munisipiu Covalima Damião Amaral husu ba Vendedor sira iha Merkadu Suai nebe Fa’an sasan besik Estrada ibun ka Trotoal leten, atu muda fali sasan ba iha Merkadu laran.

Jornalísta : Tynho Gusmão
Editor       : Chamot Nahac