Covalima (RCCT) 18-05-21, Ekipa Protesaun Sivil Parseiru CVTL Filial Covalima no mos autoridades lokais iha Suco Matai distribui sasan emerjensia ba vitima ahi han uma aumesmu tempu ha verifikasaun ba akontesementu ne’e.
Koalia ba Radio Cova Taroman Suai Koordenador Servisu Jestaun Risku Desastre Municipio Covalima (SJRDMC) Dinis Pereira Via WhatApp Afirma, Ajuda emejensia nebe fo ne’e hanesan Materil Item no Food no Food Item. (Ai Han no La’os Ai han.
“ohin ami apoiu ne’e ba Xefi Familia na’in 2 tanba uma ka’in 1 ema na’in 2 mak hela entaun sasan nebe mak ami fo ne’e, inklui; fos saka 2, Supermie dos 2, sardina dos 1, mina goren 2 litru 2, susu ben lata 8, biskuit 4, walens 2, manta 2, biti 2, terpal 2, sanan 2, tasu 2, bikan lusin 2, kanuru lusin 2, ember 2, baskon 2 no seluk tan” Dehan Dinis Via WhatApp ba RCCT Tersa (18-05)
Dinis Salienta Kona ba Material konstruksaun ne’e lolos Ekipa bele Apoio ona maibe tan relasiona ho Serka Sanitaria mak SJRDM sei hein Planu husi Nasional nia parovasaun mak foin bele fo apoio ba Familia Vitima ne’e.
“Lolos ne’e ita apoiu ona material konstrusaun balun ba vitima sira maibe la bele tanba serka sanitariu entaun ita hein planu husi Nasional, karik lista distribuisaun aprova ona sira sei kontaktu mai iha Municipio atu nune’e ita bele distribui tuir total dadus nebe ami hato’o ba iha Nasional” Tenik Dinis
Engkuantu iha Sorin Seluk Koordenador CVTL Filial Covalima Domingos Amaral mos informa, CVTL so halo Kompleta deit saida mak Governu nia planu Ajuda ba Vitima sira.
“Ohin ita ajuda ne’e kompleta deit governo nian hanesan food item ho non food item, CVTL Apoio Family kits, tanba iha bebe oan 1 mk foin moris semana 1 tan ne’e ita apoio mak; popok, neras, manta ba larik, ropa beby, sabaun, no seluk tan” Informa Koordenador CVTL Filial Covalima via WhatApp ba RCCT.
Ekipa Kobertura RCCT
Editor :Chamot Nahac
