Sirkulár Nú : 03 / AM. Covalima/V/2021 Suspende Aktividade iha Covalima, Eseptu aktividade Aprendizazen iha Eskola tanba hein depaixu husi MEJD

Covalima (RCCT) 18-05-21, Atu halo propagasaun ba moras Covid-19 iha Covalima maka Administrado Municipio Covalima Franscisco de Adrade hasai tan karta Sirkulár Nú : 03 / AM.Covalima/V/2021 hodi suspende ba aktividade hotu iha Covalima hanesan temi iha karta sirkular tuir mai:

“Bazeia ba Rezolusaun Nú 48/202, de 29 Abril, Mantém Imposiçao de uma Cerca Sanitaria no Municipio Covalima. No Situasau Atual númeiru afetadu pandemia Covid 19 ( Sars 2 ) sa’e maka’as iha Municipio Covalima hodi Rezulta ema na’in 55 mak Positivu ba Covid-19, bazeia Swap Test ( PCR Test ) no iha ona Trans Misaun Local to’o Postu Administrativo Fatululik (Suco Taroman ) no Posto Administrativo Zumalai ( Suco Lepo ) ho ida ne’e iha loron 17 Fulan Maio Tinan 2021, Administrador Municipio Covalima Konvoka reunião ho Komandabte PNTL Municipio Covalima, Komandante de Sala Situasaun CIGC Municipio Covalima, Diretor Servisu Saude Munisipal no ekipa Task Forces ba prevensaun Covid-19 tau hanoin hamutuk hodi responde ba situasaun atuál liga ba desizaun hosi Governu Sentrál konaba Serka Sanitaria iha Municipio Covalima.” Hakerek iha Karta Sirkular Nú : 03 / AM.Covalima/V/2021.

Bazeia ba diskulasaun no hakerek iha Karta Sirkular Nú : 03 / AM.Covalima/V/2021 ne’e ekipa Desidi hodi definitivamente katak:

  1. Taka Porta Entrada, Lela, Holbolu, Lepo no Webaba, eseptu Transferensia Moras inklui asuntu Covid – 19 hosi Covalima ba Dili.
  2. Suspende atividade Bazar, transasaun/fa’an no sosa iha Merkadu tradisionál sira ( Lepo, Zumalai Vila, Webaba, Beco, Ladi Tuaderek, Salele, Fohorem, Fatumea no Fatululik ) hahu husi loron 17 fulan Maio to’o Loron 30 fulan Maio tinan 2021.
  3.  Ba komunidade sira nebe iha Nessesidade Viagen ba Dili ka Municipio seluk sei atende husi Sentru Integradu Jestaun Krizi ka Sala Situasaun Municipio Covalima hahu 17 fula Maio tinan 2021 to’o remata.
  4. Ba Komunidade nebe mak ba Dili no fila mai Municipio Covalima tenke lori rezultadu SWAP TEST / PCR TEST hosi Sentru Integradu Jestaun Krise Nasional, Apresenta an iha Posto de Seguransa Bee Duku hodi hetan autorizaun tama ka la tama.
  5. Atividades Ensinu Aprendizazen ba eskola nivel hotu hotu iha Municipio Covalima sei hein despaiso husi Ministro Edukasaun.
  6. Limita movimentu sirkulasaun entre Posto Administrativo sira no mai Municipio eseptu nessesidade importante no urgente.
  7. Suspende atividades Sosial sira mak hanesan
    1.  Misa
    2.  Festa sira ( Kazamentu, Kore metan,Aniversario, Kultural.)
    3.  Jogo tradisional sira ( futu manu, bola – guling, SDSB, kuru – kuru, joga karta, bingo no kasino )
  8. Taka movimentu ema tama mai husi nasaun vizinho Indonezia.
  9. Taka atividade no movimentu ilegal sira iha liña fronteira.
  10. Ba pesoal Saude sira nebe mak hakarak hala’o atividades ruma iha Aldeia ka Suco tenke fo konesementu ba Administrador Posto no ekipa Taks Force husi Posto Administrativo, Suco no Aldeia sira ne’ebe Ezisti.
  11. Husu ba liña frente liu liu parte Saude atu hadia Jestaun Atendimentu iha sala de karantina no Ijolamentu.
  12. Husu ba Autoridade Munisipal liu liu SAS ( Servisu agua e Saniamentu ) No ba delegasau  teritorial sira hanesan EDTL, Bonbeiros atu ofrese servisu hirak ne’ebe ita bot sira asumi ho professional.
  13.  Husu ba ONG no Grupo Voluntario sira atu fo Apoiu tomak ba atividades Prevensaun Covid -19 Sars 2 iha Munisipio Covalima.
  14. Kada segunda feira iha enkontru regularmente ho Administrador Munispio Covalima.
  15. Comunidade ne’ebe mak hetan Pozitivo ba Moras Covid – 19 iha nivel Posto hetan karantina iha Posto de Saude, iha Posto Administrativo ida idak nian.
  16. Husu ba Motorista nain sira ( Ojek, Microlete no Anguna ) labele para iha Merkadu Suai nia oin, responsablidade tomak sei entrega ba Comando PNTL Munisipio.

Sirkular ida ne’e hahu vigora iha loron nebe fo sai, karik iha erru ruma sei iha posiblidade atu hadi’a.

Publika Suai, loron 17 fulan Maio tinan 2021.

Administrador Mhnisipio Covalima.

Francisco de Andrade, L.CG