Covalima (RCCT) 25-04-22, Relasiona ho Servisu Rejistu Sivil no Notariadu Covalima nian ne’ebé hakbesik ba Komunidade hodi atende no trata dokumentu sidadania hanesan Billete Identidade (BI), Sertidaun Nascimentu (RDTL) iha Postu Administrativu Tilomar no Fohorem neebe Segunda Feirra (25/04) ohin Halo ona Abertura iha Sede Suku Lalawa, Sekretariu Munisipiu Covalima, Francisco (Sico) Alves hatete, servisu ne’e fo benefisu positivu ba Komunidade sira iha Area Rural.
“Atividade ida ne’e, Pozitivu tebes ba komunidae sira,tanba bele fasilita ita nia komunidade sira bele hetan dokumentu ne’ebé sidadania nian, tanba ita hatene maluk sira ne’ebé hela iha foho ne’e susar tebes atu tun ba iha Vila, depois to ne’eba sei atrian no dala ruma sistema ladiak to’o ne’eba sira bele hein to loron rua ka tolu, no dala ruma to’o Semana.” Katak Francisco Alves iha nia Intervista ho RCCT iha Sede Suku Lalawa.
Nia Fundamenta, kada sidadaun ida tenki iha Provas ida neebe hatudu katak ema ne’e sidadaun Timor Leste tuir Lei neebe vigor ona.
“Aktividade ne’e mai hakbesik liu ba Suku, liliu Suku sira ne’ebé hela iha area rural, atu fasilita sira hetan dokumentu hanesan rejistu moris ka Sertidaun RDTL, Billete Identidade (BI) tanba hanesan sidadaun ida ita tenki hetan dokumentu nebe prova katak ita nia identidade hanesan Timor Oan, tuir lei nebe estadu fo sain” Tenik Sico Alves
Sekretariu Munisipiu Covalima ne’e mos husu ba Liderasa Komunitaria sira iha PA Tilomar atu fo hatene ba Populasaun hotu hodi bele partisipa iha Aktividade ne’e hodi hetan dokumentu sidadania liu husi servisu ne’ebé Rejistu Sivil no Notariadu Covalima Hala’o iha Sede Suku Lalawa ne’e.
“ Ha’u nia mesajen mak ne’e, Dokumentu Sidadania ne’e Importante tebes ba inan aman sira, liliu ba sira nebe mak hela iha are rural tanba ne’e husu ba inan aman sira atu hotu hotu bele mai partisipa durante loron 5 iha sede suku Lalawa hodi trata sira nia dokumentu,tanba ba oin wainhira atu hetan Kartaun eleitoral presija iha uluk BI, sei ita seudauk iha BI mak ita mos seidauk bele hetan Eleitoral, nebe husu ba lider komunitaria, Xefe Suku, Xefe Aldeia sira atu fahe informasaun ne’e ba komunidade hotu atu nune’e komunidade sira bele partisipa hotu hodi hetan dokumentu sidadania nian ne’e” Francisco husu.
Iha fatin hanesan Sidadaun husi Suku Beseiuc Aldeia Wetaba, Abelino Ximenez senti aktividade ne’e bele fasilita komunidade sira hodi bele hetan dokumentu moris nian.
“Ami senti ne’e bele ajuda ami, hodi urus ami nia sertidaun RDTL no BI pois ami bele foti kedas iha ne’e, tanba ami mos la’o ladun dok” informa Komunidade Beseiuc ne’e ba RCCT iha Sede Suku Lalawa.
Engkuantu Servisu atendementu no trata dokumentu sidadania ne’ebé Servisu Munisipal Rejistu Sivil no Notariadu Covalima hala’o iha Postu Administrativu Tilomar, konsentra iha Sede Suku Lalawa neebe sei halo atendementu Durante Semana ida, hahu segunda Feira Ohin to’o Sexta Feira Semana ne’e.
Reportazen RCCT
