Sexta-Feira Aban Ezersísiu “ Falintil Dalan Ba Dame” iha Covalima- Afonso Nuguerah “Konvida Komunidade na’in 10 kada Posto”

Covalima (RCCT) 26-08-21, Sekretáriu Adminístrador Município Covalima Afonsu Nuguera Nahac hanesan Presidente Komisaun Organizadora hodi simu Tour nebe hala’o husi Falintil-Forsa Defeza TImor Leste (F-FDTL) hateten, iha  Sesta-Feira (27/08) Aban, Xefe Estadu Maior Jenerál F-FDTL, Tenente Jenerál Lere Anan Timur sei marka prezensa iha Municipio Covalima ho misaun “Dalan Ba Dame” no hodi hametin relasaun entre Komunidade ho Militar F-FDTL.

” Aban tuku 8:00 Otl, Tenente Jenerál Lere Anan Timur mai iha ita nia Municipio Covalima, ho misaun ida katak “Dalan Ba Dame”, hodi hametin relasaun entre Komunidade Covalima ho Militar F-FDTL atu bele hamutuk hodi kontribui Desenvolvimentu iha Municipio Covalima “ Afonsu dehan iha Kampu Ladi (26/08).

Afonsu Nuguera Informa, kada Postu Adminístrativu konvida deit ema nain 10 maka bele partisipa iha loron aban, maibe nia husu ba Komunidade sira iha Kapitál Municipio atu partisipa máximu iha eventu loron Sesta-Feira aban.

” Kada Postu ita orienta ona katak na’in 10 tenke partisipa maibe ita maka iha Suai Vila tenke mai hotu hodi hein iha ne’e” Xefe Komisaun dehan.

Observasaun Jornalísta RCCT iha terrenu hatudu, Ekípa traballador sira hahu halo ona preparasaun iha Kampu Futebol Ladi, hodi hein Prezensa Tenente Jenerál Lere Anan Timur iha Loron Sexta-Feira aban, maibe Xefe Komisaun Organizadora Afonsu Nuguera hateten preparasaun ida ne’e la iha Orsamento ida maka Preve husi Governo.

Nune’e Sexta-Feira aban, Autoridade Município Covalima hamutuk ho Komunidade sira sei hein Xefe Estadu Maior Jenerál F-FDTL,Tenente Jenerál Lere Anan Timur iha Auto Estrada Suco Ogues, hodi akom’panha Ekipa Tour FALINTIL haleu kapital Municipiu Covalima no termina iha kampu Futebool Ladi.

Jornalísta  : Tynho Gusmão
Editor        : Chamot Nahac