Covalima (RCCT) 11-05-22–Ministeriu da Saude (MS) liu husi Servisu Saude Munisipal kontinua halo Vasinasaun Pfizer ba komunidade idade 18 ba leten no mos ba estudante sira idade 12 to’o 18 iha Munisipiu Covalima.
Diretóra Servisu Saude Munisipiu Covalima, Maria Fatima Moniz informa kampaña Vasinasaun Pfizer iha Covalima ne’e ba estudante idade 12-18 hamotuk alvo 7.743 no alvo ba Booster hamotuk 31.815 neebe atinji ona purentu hitu (7%) ba Booster nian.
“Covalima ita hala’o kampaña Pfizer ba Estudante ho idade 12 to menus husi idade 18 anus, iha alvo 7.743, atinji ona Primeiru doze 5.408 (63%) segundu faze atinji ona 633.(8%) ba iha booster ita nia alvo hamutuk 31.815 no ita maka foin atinji iha loron 07 Maiu-2022, ita nia alvo hamutuk 2.159 (7%)” katak Diretóra Servisu Saude Munisipio Covalima Maria Fatima Moniz.
Diretóra ne’e hatutan kontinua halo vasinasaun Pfizer ba Estudante sira ho idade 12 to’o menus husi idade 18, nomos kontinua hala’o halo booster ba ema ho idade 18 leten.
“To agora nafatin kontinua vasinasaun ba iha Pifizer ho idade 12 to menus hosi 18 nomos boster ba idade 18 ba leten no dadaun ne’e lao hela iha postu hitu kompostu hosi postu Administrativu Fatumea,Fatululik,Fohorem,Tilomar,Maucatar,Suai ho postu Administrativu Zumalai” Tenki Diretora.
Entretantu tuir obsevasaun Jornalista iha terenu nota dadaun ne’e komunidade sira balun Suku sira ona vasinasaun da toluk ka Booster
Jurnalista : Alito de Jesus
Editor : Chamot Nahac
