Servisu Rejistu Sivil no Notariadu Munisipiu Covalima Infrenta Menus Rekursu Umanu No Transporte

Letratu: Diretór Servisu Munisipal Conservatório Munisipiu Covalima Antonio Sarmento, hala’o Intrevista ho Jornalista RCCT hodi Preokupasaun no Dezafiu neebe infrenta iha nia servisu fatin/Foto: Jhana Cardos

Covalima (RCCT) 17-12-21, Relasiona ho servisu ne’ebé Funsionariu sira iha Edifisiu Notaria Rejistu Sivil hodi atende sidadaun sira durante sira Covalima, Diretór Rejistu Sivil Antonio Sarmento Informa ba RCCT, Laiha Transporte no Menus Rekursu Umanu mak Rejistu Sivil Covalima Infrenta.

Diretór Servisu Munisipal Conservatório Munisipiu Covalima, Antonio Sarmento Hateten menus Rekursu Umanu no la iha transporte sai hanesan Dezafius ba Sira, relasiona ho servisu ne’ebé barak iha Servisu Rejistu Sivil no Notariadu Munisipiu Covalima

“Dezafius ne’ebé ami hasoru mak menus Rekursu Umanu tanba atividade ne’ebé mak barak tebes, Ha’u relata ona komesa husi rejistu de Nascimento, Kazamentu no óbito, billeti de identidade, rejistu Kriminal No mos atendementu ba Passaporte no Dezafius seluk Mak transporte Tanba Ami tenki lori dokumentu husi Munisipiu ba iha Nasional hodi foti Passaporte” Katak Antonio Sarmento

Antonio hatutan, Antes ne’e Servisu Rejistu Sivil no Notariadu iha Transporte (Kareta) ida, maibe dadaun ne’e avaria no halo hela manutensaun iha Nasional, tanba ne’e sira uza deit transporte privadu hodi ba hatama dokumentu iha Nasional

“Ami iha transporte maibe avaria hela ne’ebé sira husi Nasional mai foti ona hodi halo manutensaun, Maibe to’o oras ne’e sedauk rona nia rezultadu, tanba ne’e Ami uza deit transporte privadu hodi foti Passaporte iha Dili ” Tenik Nia

Entretantu Diretór Servisu Munisipal Conservatório Munisipiu Covalima Antonio Sarmento husu ba Diresaun Nasional atu foti medidas hodi halo lalais manutensaun ba transporte ne’ebé mak lori ona ba Nasional.

Jornalista: Jhana Cardoso

Editor       :Chamot Nahac