Covalima, (RCCT) 07-07-21, Servisu Munisipal Siguransa Alimentar Municipio Covalima promove grupu agrikultura sira hodi produz ai han tradisional hanesan batar no fehuk midar transforma ba bolu no puding.
Diretur Siguransa Alimentar Municipio Covalima Reinaldo Moniz iha nia intervista hateten objetivu husi programa transforma ai han tradisional ne’e atu hasa’e Nutrisaun ba labarik sira no hasa’e rendimentu Familia
“Grupu nebe transforma ai han ka prosesamentu ai han ne’e nia objetivu atu hadi’a ekonomia familia, no mos hadi’a nutrisaun liu liu ba labarik tinan lima mai kraik, inan isin rua sira bele konsumu tanba programa ne’e liga ho ministeriu saude” Dehan Diretur Siguransa Alimentar Reinaldo Moniz
Diretur ne’e fundamenta iha Municipio Covalima Servisu Siguransa alimentar identifika ona grupu agrikultor hamotuk 20.
” Iha Covalima ita iha ona grupu 20 nebe identifikadu no bain bain ita bolu sira atu halo expozisaun ai han ho produtu lokal no mos ita konvida sira halo kompetisaun kulinaria produtu lokal hodi bele hatene sira nia atividades ne’e iha kualidade ka lae no atividades ne’e ita hala’o iha loron selebrasaun ai han mundial nebe selebra tinan ida dala ida “ Tenik Reinaldu Moniz
iha Sorin seluk Regolinda Ikun Lese hanesan Xefe grupu Remajeleju hateten sira nia grupu durante produsaun aihan barak husi ai han tradisional nebe mak iha to’o laran.
“Ami nia grupu hari iha tinan 2012 no ami halo atividades barak mak hanesan produz aihan husi aihan tradisional mak hanesan produz bolu husi batar no fehuk midar, bolinhos husi akar, bolinhos husi nuu, bolinhos husi ailia no duut morin” dehan Regolinda Ikun Lese sefe Grupu Remajeleju
Produsaun nebe grupu agrikultor sira transforma mak hanesan batar transforma ba bolu, fehuk midar transforma ba puding no torang transforma ba dose no aihan tradisional seluk tan.
Jornalista : Ade Gorete & Ansa Nunes
Editor : Chamot Nahac
