Covalima(RCCT) , 27-01-21 Segunda to Tersa Feira horseik Mediku sira hamutuk ho Polisia servisu Imigrasau iha Fronteria Postu Integradu Salele simu Sidadaun balu husi Indonesia no Timoroan, Kuarta Feira ohin Polisia Servisu Imigrasaun Atanbua Indonesia Deporta Sidadaun nain ida mai Timor Leste,ba Jornalista Radio Comunidade Cova Taroman (RCCT) Resposavel Mediku iha Postu Integradu Salele Umbertu yohanes hateten Servisu Imigrasaun Atambua Indonesia Kaptura Sidadaun Timoroan Mariano Guteres tinan 51, Natural Vikeke, iha loron 13 fulan ne’e tanba dokumentus ka Visa mate.
“Ohin dia 27 de Janeiro de 2021, ohin ne’e simu Sidadun ida deporta hosi Indonesia Atambua iha parte imigrasaun servisu Atambua kaptura nia iha dia 13 direitamente ba halo kuarentina iha servisu Imigrasaun Atambua depois dia 27 sira deporta fila fali mai.” Hatenen Umbertu yohanes
Umberto Fundamenta, Imigrasaun Kaptura Sidadaun Timor Oan ne’e tanba visa mate, no wainira to iha Froteira Salele Ekipa Saude halo teste ba Sidadaun Mariano maibe laiha sinal ruma nebe deskunfia ba Covid-19.
“ Servisu Imigrasaun Atanbua kaptura nia tanba nia Visa mate liu tia ona loron ho rasaun ida ne’e mak servisu Imigrasau kaptura nia no halo ba kuarentina. Sidadaun nebe ohin deporta ohin ami husi ekipa Saude halo ona desenfekta, halo eskrinin koko temperatura nia la iha sintomas.” Tenik Umberto
Umbertu Salienta Sidadaun nebe Foin haruka Fila mai Timor leste liu husi Fronteira Postu Ingradu Salele ne’e, natural husi Municipio Wekeke.
“Sidadaun refere ema Vikeke, maibe nia rezidensia iha Dili, Cumoro, Fatu hada, Sidadaun defere sei lori ba kuarentina iha suai vila depois de 14 dias mak evakua ba Dili.” Katak Umberto
Informasaun nebe Jornalista Radio Comunidade Cova Taroman (RCCT) assesu, servisu imigrasaun Atambua Indonesia kaptura Sidadaun Mariano iha loron 13 depois hatama kedan ba kuarentina iha Atambua Indonesia durante loron 14 hafoin halo deportasaun mai Timor Leste.
Tanba ne’e hafoin remata prossesu deportasaun ekipa Ambulansia husi Kuarentina Bario Costa Suai foti kedan Sidadaun refere hodi evakua ba iha fatin Kuarentina Bario Costa Suai regras Estadu Emergensia(EE) nian durante loron 14 molok transfere ba Dili.
Jornalista : Tynho Gumão & Jose Fereira nia Reportagen
Editor : Chamot Nahac
