Covalima (RCCT) 20-09-21, Servisu Munisipal Jestaun Merkadu no Turismu (SM-JMT) Munisipiu Covalima, hamutuk ho Vendedor sira iha Merkadu Suai halo enkontru iha Salaun Administrasaun Munisipiu Covalima hodi halo preparasaun ba re-estrutura Komite Jestaun Merkadu Suai, tanba mandatu komite Jestaun Merkadu Suai remata ona iha tinan 2020 liu ba.
Ba Jornalísta sira Diretor (SM-JMT) Munisipiu Covalima Damião Amaral hateten, Vendedor sira iha Merkadu Suai sei halo preparasaun ba pakote hodi nune’e bele kompete iha Eleisaun nebe sei realiza iha Loron Kuarta-Feira semana ne’e.
” Ohin ne’e enkontru regular ida ho ita nia Vendedor sira iha Merkadu Suai, hodi hare ba Jestaun Merkadu ninian, atu nune’e oinsa maka Merkadu ne’e bele iha Jestaun ne’ebe maka diak, ita iha komite Jestaun Merkadu maibe sira mandatu remata ona, nebe bainrua maka sei halo Eleisaun ba Komite Jestaun Merkadu ninian, nebe oras ida ami sei halo avizu ba sira para sira bele prepara sira nia pakote “ Damião Amaral Informa.
Damião Amaral dehan Eleisaun ba Komite Jestaun Merkadu sei realiza iha Merkadu Suai nebe sei partisipa masimu husi Vendedor sira nebe maka Fa’an sasan iha Merkadu Suai.
“Eleisaun ne’e sei realiza iha Merkadu Suai, ohin hameno ona ita nia Vendedor sira katak tenke partisipa maximu iha Eleisaun ne’e ” Diretor Servisu Munisipal Jestaun Merkadu Turizmu ne’e dehan.
Entretantu Bainhira Eleitu iha Eleisaun mak mandatu ba Komite Jestaun Merkadu Suai ho durasaun durante tinan rua.
Jornalísta : Tynho Gusmão
Editor : Chamot Nahac
