Covalima (RCCT) 22-09-21, Sekretariu Estadu Komunikasaun Sosial (SEKOMS), halo Vizita ba Estasaun Radio Comunidade Cova Taroman (RCCT) iha Suai hodi Observa direita Kondisaun RCCT entermus de Infrastrutura, Fasilidades, rekursu no Ekipamentus, Programasaun no Funsionamentu Radio. Aleinde ne’e SEKOMS mos halo Dialogo ho Prezidenti Konsello Radio Comunidade Cova Taroman no Gestor.
Iha Dialogo ho SEKOMS ne’e Prezidenti Konselho Radio Edinho Moniz do Rego iha nia Intervensaun informa, RCCT infrenta Problema ho infrestrutura tanba edifisiu nebe Radio uja, hanesan okupante ba Eis Rezidensia Administrador Municipio, ho nune’e RCCT tenki husik fatin mamuk, tanba tempu badak uma refere sei halo Konstrusaun foun.
“Ami iha ne’e infrenta buat barak teb-tebes, tanba ne’e ami la bele hein deit ba Fundus Transfrensia Publiku, liu-liu ba edifisiu tanba tempu badak ami sei muda fali fatin, fatin nebe ami uja dadaun ne’e, nudar Eis Rezidensia Administrador Municipio nian” Dehan Edinho Moniz do Rego
Hatan ba Preokupasaun ne’e, Sekretariu Estadu Komunikasaun Sosial (SECOMS) Mericio Akara nia parte hato’o ona ba Administrador Municipio Covalima ho Diresaun Nacional Teras Propriedades Covalima, hodi ofrese fatin nebe ho dignu tanba Radio Comunidade Cova Taroman hanesan Parseiru Estrateziku Governu nian.
“Sira informa mai ha’u dehan sira funsiona ho programa la’o ho di’ak so preokupasaun mak infrestrutura, tanba agora dadaun atu muda ona Studio tanba edifisiu nebe sira uja ne’e Eis Rezidensia Administrador Municipio ni’an, maibe antes ha’u mai vizita ha’u ko’alia ona Administrador Municipio no Diresaun Nasional Teras Propriedades Covalima, tenki prepara fatin nebe di’ak tanba Radio Comunidade Parseiru Estateziku Governu nian nebe durante ne’e SEKOMS Apoiu” Hatan Mericio Akara
Mericio Akara mos fundamenta, SEKOMS iha planu ba Fundus Transferensia ba tinan 2022 maibe depende pedidu husi RCCT haruka kona atu hadia edifisiu radio nian.
“Kona ba Fundus Transferensia Publiku normalmente SEKOMS fo, nebe ha’u husu sira bele hatama Pedido atu nune’e tinan oin ita bele konsidera hodi bele hasa’e mos sira Fundus Tranfrensia Publiku maibe depende ba pedidu husi sira” Mericio Juvinal Akara Tenik
Ho nune’e mos SECOMS iha planu atu aumenta Frekuensia RCCT nian, atu nune’e, Postu Administrativu sira nebe lokaliza iha Municipio Covalima bele kobre hotu.
Jornalista : Aje Ferreira
Editor : Chamot Nahac
