Dili (RCCT) 10-11-21 Sekretariu Estadu Komunikasaun Sosial (SEKOMS) liu husi Diresaun Nasional Dezenvolvimentu Midia Lokal (DNPDML) hala’o formasaun kona papel no Kana’ar Radiu Komunidade ba Empoderamentu Komunidade no Dezenvolvimentu ba Jornalista Radiu Komunidade 16.
Ba Jornalísta sira Sekretariu Estadu Komunikasaun Sosial (SEKOMS) Mericio Juvinal dos Reis “Akara” hateten, Politika SEKOMS atu investe rekursu iha Radio Komunidade hodi nune’e bele publika informasaun ne’ebe loos no kredibel ba Públiku sira.
“Formasaun ida ne’e politika SEKOMS nian atu kontinua investe rekursu umanus, liu-liu ita hakrak Radiu Komunidade sira publika informasaun ho fontes ne’ebe kredivel ho loos” Akara dehan hafoin abertura formasaun ba Radiu Komunidade sira iha Salaun Hotel JL Villa, Fatuhada, Dili.
Governante ne’e dehan Kada tinan SEKOMS aloka orsamentu husi Fundus Transferensia Publiku (FTP) ba Radiu Komunidade, tanba konsidera Radiu Komunidade hanesan Midia ne’ebé besik liu Komunidade sira iha terrenu.
“Husi inisiu kedas Governu liu husi SEKOMS apoio Radio Komunidade sira kada tinan ita aloka bebeik orsamentu ba sira, tanba ita konsidera Radiu Komunidade maka Midia ne’ebé besik liu Komunidade sira iha terrenu” Akara hatutan.
Iha fatin ne’e Diretor Nasional Promosaun no Dezenvolvimentu Midia Lokal husu ba Jornalísta no Editor Radiu Komunidade sira atu partisipa formasaun ho di’ak, nune’e bele komprende di’ak kona ba oinsa hakerek notisia ho lingua tuir padraun Lian Tetun.
“Iha momentu ne’e ha’u husu ba Jornalísta ho Editor Radio sira atu toma atensaun didiak ba matéria ne’ebe maka oras ida ita nia Orador aprezenta, atu nune’e imi bele komprende diak liu tan lalaok hakerek berita website tuir estandarte no tuir padraun Tetun nian ne’ebe maka iha” Diretór DNPDML dehan iha nia diskursu.
Entretantu Formasaun ne’e hala’o durante loron rua hahu Tersa (09/11) no remata iha Kuarta ohin (10/11) ne’ebé partisipa husi Jornalísta no Editor husi Radiu Komunidade hamutuk 16 ne’ebé ezisti iha territoriu Nasional.
Jornalísta : Tynho Gusmão
Editor. : Chamot Nahac
