SEKOMS-Dezenvolve Media Lokal Hodi Transmite Informasaun Iha Municipio

SEKOMS-Mericio Juvinal dos Reis “AKARA”

Covalima (RCCT) 22-09-21, Sekretariu Estadu Komunikasaun Sosial (SEKOMS) hasoru malu ho Administrador Municipio Covalima hodi koalia kona ba Preokupasaun Media Governu no Media Privadu iha Covalima ho nune’e, planu iha futuru bele konserta Media sira hamutuk iha fatin ida.

Tanba ne’e, Sekretariu Estadu Komunikasaun Sosial Mericio Juvinal dos Reis “Akara” hateten, durante ne’e iha ona Meiu Komunikasaun hanesan Radio no Televizaun maibe tuir tenke Diversifika ho Meius sira seluk hanesan uza plataforma Online.

Ha’u mai atu ko’alia ho Administrador kona ba politika governu nebe iha ona Diresaun Nasional Dezenvolvimentu Média Lokal(DNPDML), signifika la’os Radio de’it maibe plataforma hanesan online, Radio live Streaming Governu iha polítika nebe aprova iha Parlamentu nasional atu disversifika Meius Momunikasaun iha Munisípio ” Sekretáriu Estadu Komunikasaun Sosial Mericio Juvinal Akara hateten.

Ho nune’e Mericio Juvinal Akara mos husu ba Administrador Municipio Covalima atu uza Meius Komunikasaun hodi halo kolaborasaun Nune’e Media sira bele halo kobertura Atividade no Media tenki Sentraliza iha Municipio hodi hamenus kustu.

Hau husu ba Administrador uza Meius Komuniksaun nebe di’ak, halo kolaborasaun atu nune’e media sira bele kobertura servisu ho di’ak, no Media sira tenki sentraliza iha Municipio hodi hanemus Kustu” Dehan Mericio Akara

Iha Vizita SEKOMS ne’e Administrador Municipio Covalima Francisco de Andrade apresia ho Sekretariu Estadu Komunikasaun Sosial nia esplikasaun kona ba preukupasaun Media Governu no Media Privadu ne’e, liu-liu atu dezenvolve Meiu Komunikasaun iha Municipio sira

Jornalista : Aje Ferreira

Editor : Chamot Nahac