Covalima (RCCT) 13-12-21, Centro Juventude Covaima Distribui ona Orsamentu hamotuk Rihun Tolu Nulu Resin Tolu Atus Sia Hitu Nulu ($ 33.970.00) hodi Apoio ba Realiza Atividade despotu iha Municipio Covalima iha Postu Administrativu 7 iha Ambito Komemorasaun Loron Proklamasaun Independensia 28 de Novembru ba dala 46, Fundus ne’e mai husi Sekretariadu Estadu Juventude no Desportu ( SEJD ).
Apoio ne’ebé SEJD fo ne’e Aloka ba Kada Postu Administrativu (PA) hitu ho montante ne’ebé mak la hanesan; iha PA Fatululik ho montante rihun Hat Hitu Nulu Resin Walu Dolares Amerikanu ( $ 4.078. 00 ), PA Fatumea ita aloka Dolar rihun Ha’at, Atus ha’at Sanulu resin Hitu ( $ 4.417.00 ), PA Fohorem, Maucatar no Tilomar ita aloka orsamentu ho montante hanesan Dolar rihun Ha’at, Atus Hitu, Lima Nulu Resin Ne’en,( $ 4.756.00 ) ita Aloka orsamentu ba PA Zumalain ho montante Dolar Americano Rihun Ne’en, Atus Ida Sanulu Resin Rua ( $ 6.112.00 ) no ita koloka orsamentu ba PA Suai ho montante Rihun Lima, Sia Nulu Resin Lima ( $ 5.95.00 ).
Maske Orsamentu ne’e aloka ona ba PA ne’ebé simu Direita husi APA sira maibe iha PA balu mak seidauk Finaliza Aktividade Desportu ne’e no PA balu Seidauk hahu aktividade desportu ne’e. Dehan Diretor CJC Calistro Leite Gusmão.
Enkuanto Iha fatin ne’e Administrador Municipio Covalima Francisco de Andrade husu ba Administrador Postu (AP) sira hotu tenki jere osan ho didi’ak.
“Disdribui orsamentu ida ne’e klaru ke proposta mai husi ita bo’ot sira atu halo jogu komunitaria tan ne’e ohin loron orsamento to’o ona iha ita bo’ot sira liman maske orsamentu kada postu la hanesan maibe husu ba AP sira tenke Jere osan ka maneja ho didi’ak” Hateten AMC Francisco de Andrade.
Entretantu Distribui Orsamento ne’e iha Salaun Administrasaun Municipio Covalima, Hamutuk ho Administrador Municipio Covalima ho Administrador Postu hitu (7) iha Municipio Covalima.
Jornalista: Ansa Nunes
Editor : Chamot Nahac
