Covalima (RCCT) 20-11-21, Sekretariu Estadu Juventude no Desportu Aloka Orsamentu hamotuk $33.970.00 hodi Organiza Aktividade desportu iha Portu Hitu ne’ebé lokaliza iha Municipio Covalima, tan ne’e Postu Administrativu Fohorem hetan alokasaun hamotuk Dollares Amerikanu $4.756.00 hodi organiza aktividade Despotivu nune’e bele amina Komunidade sira iha Ambito Komemorasaun Loron Proklamasaun Independensia ba dala 46.
Notisia Relevante : https://www.rcct.tl/festeza-28-de-novembru-ba-dala-46-fohorem-hahu-atividade-desportu-ohin/
Ba jornalista RCCT Manajer Programa iha Centru Juventude Covalima, Bernabe Ferreira wainhira halo Observasaun no Partisipa iha Serimonia Abertura aktividade Desportu Iha Postu Administrativu (PA) Fohorem, Nia dehan orsamentu ne’ebé hetan husi SEJD Aloka ba Kada PA ho montante mak Diferensia.
“ Oramentu ne’ebé ita hetan husi SEJD hamotuk Dollares Amerikanu $33.970.00 ne’ebé Aloka ba kada Postu balu hetan Numeru Kiik balun bo’ot, hanesan; PA fatululik $ 4, 078.00, Fatumea $ 4,417.00, iha Postu 3 Fohorem, Maukatar no Tilomar hetan $4.756.00, Postu Suai $ 5, 095.00, Zumalai hetan $ 6,112.00” Bernabe Ferreira Esplika
Iha fatin hanesan Kordenador Jeral Seksaun Animasaun desportivu 28 Novembru iha Postu Fohorem Angelo da Costa Oliveira Halore, Partisipa iha Aktividade Despotu ne’e hamotuk Klubu 8 ba modalidade Voliboll Mane hat no Feto hat, Foteboll hamotuk Klubu hat ne’ebé reprezenta Suco hat iha PA Fohorem.
“Ba Modalidade Voliboll hamotuk Klubu 8 ( Feto 4 mane 4) Bola kaki Klubu hat ne’ebé mak reprezenta Suco 4, osan ne’e hetan husi Sentru Juventude, aloka ba premeio iha $3,400, ba ba material $1, 356” Angelo Esplika.
Nia Hatutan vensedor iha aktividade Desportivu ne’e sei hetan Premio ne’ebé valoriza ho osan ne’ebé ho montante lahanesan.
“Sira ne’ebé manan sei hetan osan, Primeiru Lugar Volibol sei hetan Osan $ 300.00, Segundu Lugar $ 250.00, Terseiru Lugar iha $ 200.00, ba fali bola kaki Juara satu hetn $ 400.00, Juara dua $350.00, Juara tiga 250.00, premio ba jogu hana kaleik ne’e organiza husi Xefe na’in hat tanba ne’e iha kategoria rua maibe osamentu preve hamotuk iha osan $ 3.400 ne’e.” Katak nia.
Entretantu Aktividade Desportu iha Fohorem ne’e Aberuta iha Sabado dia 20 no sei termina iha dia 28 Novembru.
Reportaze : CN
