SEJD Aloka Orsamentu $.12.500,00 Hodi Realiza Jogu Eskolar Iha Covalima

Covalima (RCCT) 21-12-21, Sekretáriu Estadu Juventude no Desportu (SEJD) aloka orsamentu $ hamotuk Dollar Amerikanu $12.500,00 hodi realiza atividade jogu Eskolar iha Munisipiu Covalima.

Xefe Komisaun Organizadora João Amaral “Sita” mensiona, partisipa iha desportu Eskolar ne’e husi eskola walu (8), kompostu husi Eskola Sekundária Geral no Eskola Sekundária Téknika Vokasional inklui Eskola Katólika ne’ebe ezisti iha Munisipiu Covalima.

Atividade jogu eskolar ne’e Sekretáriu Estadu Jovemtude Desportu maka apoio fundus ho montante $ 12.500,00 hodi realiza atividade ida ne’e, depois ha’u haklarak informa deit katak, Jogu Eskolar ne’e iha Eskola Walu maka partisipa, hanesan ESGP Suai, ESCAM Suai, ESTV Kristal Suai no ESTV Akar Laran, ESTV Postu Zumalai, Eskola CAFÉ Suai, ESTV Claret Salele inklui ESTV NUTETU Fohorem, sira ne’e maka sei kompete iha Jogu Eskolar ne’ebé hahu ohin loron (20/21)dehan João Xita iha Kampo Ladi.

Iha fatin ne’e Sekretáriu Munisipiu Covalima Francisco Alves dehan, iha jogu ne’e jogador sira bele hatudu talentu ne’ebé di’ak, nune’e ba futuru bele reprezenta Munisipiu Covalima ba kompete iha rejional no Nasional.

Iha oportunidade ida ne’e, atu imi bele hatudu imi nia talentu ka skiil ne’e di’ak atu nune’e bele manan iha jogu ida ne’e, depois ba futuru imi bele lori Covalima ba kompete iha rejional no nasional” Francisco dehan iha diskursu molok halo abertura ba jogu escolar iha Kampu Futeball Ladi (21/12)

Representante Sekretáriu Estadu Juventude no Desportu Luis Lobo husu ba Jogador sira tenke kria unidade, labele hamosu konflito bainhira joga iha kampu laran.

Kuandu joga iha kampu laran maka buat ruma naksalak, husu imi hotu tenke rai deit iha kampu laran, nema ema dehan intelektual, labele lori sai ba liur depois imi ba hein malu fali iha dalan klaran, se imi joga di’ak imi sei lori Covalima ba kompete fali iha nasional” dehan Rep SEJD.

Entretantu abertura iha Jogu Eskolar ne’e diriji husi Sekretáriu Munisipiu Covalima Francisco Alves no Reprezentante Sekretáriu Estadu Juventude Desportu Luis Lobo neebe realiza iha Kampu Ladi Segunda (20/21)

Jornalista : Tynho Gusmão

Editór      : Chamot Nahac