Covalima (RCCT) 01-10-21, Sekretariu Estadu Igualdade no Inklusaun Quinta Feira (29-09) nee, fo formasaun ba Liñas Ministerias sira iha Munisipiu Covalima Iha Salaun Eskola Sekundaria Geral Publika Suai (ESGP) kona ba Papel feto nian iha Prosesu dezenvolvementu Timor Leste.
Iha Formasaun ne’e Diretora Nasional Planeamentu no Avaliasaun iha Ministeiru Administrasaun Estatal Olavila Marques iha nia intervista dehan, objetivu husi Formasaun ne’e atu habelar Informasaun kona ba Violensia Domestika no Violensia Bazeia ba Jeneru ba Autoridade Lokal, Liñas Ministerias no mos ba Feto Potensial sira iha Munisipiu Covalima.
“ Objetivu husi Formasaun ne’e, atu habelar informasaun ba ita nia autoridade Lokal sira, Liñas ministerias no mos ba feto potensial sira nebe mak iha munisipiu Covalima atu nune sira bele iha koñesementu kona ba Papel Feto nian iha prosesu Dezemvolvimentu iha Timor Leste liu liu iha munisipiu Covalima, tanba ne’e ohin ami iha materia lubuk ida hodi Fo ba partisipantes sira mak hanesan Papel Feto iha Poder no Politika, violensia Domestika, Violenseia Basea ba generu no Orsamentu sensivil ba generu. intensaun husi formasaun ne’e mos atu ajuda komunidade nebe mak hetan violensia iha uma laran no hutudu dalan ba sira oinsa sir abele asesu ba justisa tanba .” Hatete Olivia Marques.
Iha sorin seluk Primeira Sargentu Polisia VPU Amelia de Jessus Amaral hatete, parte siguransa portu atu halo koperasaun ho Ministeiru Relevante sira hodi redus violensia domestika no violensia Basea ba Jeneru Iha Munsipiu Covalima.
“ Relasoina ho formasaun ne’e, nudar Sigunransa pronto servisu ho Xave Relevante sira oinsa bele redus violensia domestika no violensia Basea ba Jeneru iha Munisipiu Covalima.” Hatete Amelia de Jesus Amaral.
Amelia de Jessus Amaral argumenta, ba Komunidade sira bele servisu ho rede referal sira atu nune bele halo prosesu sira nia kasu liu liu ba vitima sira nebe Infrenta kasu relasiona ho violensia domestika no Violensia basea ba Jeneru.
“ hato’o keisa ba iha Polisia (VPU) no bele servisu ho servisu ho rede referal sira oinsa atu prossesa komunidade sira nia kasu liu liu ba vitima sira nia kasu atu nune kliente sira nee bele hetan Justisa.” Amelia de Jessus Amaral hakotun.
Tuir observasaun Jornalista Radio Comunidade Cova Taroman (RCCT) iha formasaun ne’e partisipa husi Administrador Minisipiu Civalima, Diretores Liñas Ministerias sira iha Munisipiu Covalima no Autoridade Lokal sira.
Jornalista : Ekipa Kobertura Jornalista Estudantil
Editor : Chamot Nahac
