Civalima ( RCCT )16-09-21, Relasiona ho Formasaun nebe organiza husi Sekretariada Estadu ba Igualidade no Inkluzaun ( SEII ) ba foti sira iha Covalima kona ba hakbi’it Partisipasaun Feto Potensial sira iha Munisipio Covalima nune’e atu hakbi’it, Motiva no hasa’e konhesementu feto potensial sira hodi prepara an atu kompete no partisipa iha eleisaun.
Ligadu ho Formasaun ne’e Administrador Munisipio Covalima (AMC) Francisco Andrade enkoraza Feto sira iha Munisipio hodi Partisipa iha Kolker formasaun no treinamentu nune’e feto sira mos bele sai lideransa ida nebe mak di’ak iha futuru.
” Ha’u husu ba maluk feto sira la bele lakon opotunidade atu tuir formasaun no treinamentu oin oin tamba liu husi formasaun no treinamentu ida ne’e mak bele aumenta imi nia konhesementu nebe diak, ikus liu ha’u hanesan Autoridade Munisipal iha Covalima, husu ba feto maluk sira atu prepara imi nia an didi’ak atu nune’e iha eleisaun tuir bele kandidata imi nia a’an hodi kompete ho ema seluk” Administrador Covalima Enkoraza.
Nune’e mos Iha formasaun ne’e Xefe Departamentu Formasaun Partisipasaun Politika Jose do Rosario de Carvalho hateten, SEII nia planu hodi fo formasaun ba feto sira ne’e atu hodi promove no hasa’e feto sira nia konhesementu iha lideransa komunitaria nune’e sai lideransa ida nebe mak di’ak liu futuru.
” Formasaun hakbi’it feto no hasa’e maluk feto sira nia konhesementu ne’e inporrante tebes, tamba ne’e mak husi SEII fo formasaun ba feto maluk sira iha Munisipio Covalima, hodi promove maluk ita nia feto sira, atu sai lideransa ida nebe mak di’ak, ho ida ne’e hodi SEII nia naran ekoraza maluk feto sira ne’ebe mak tuir ona formasaun ida ne’e tenke promove imi feto sira nia a’an iha kandidatu eleisaun tuir mai, atu nune’e imi feto sira mos sai lideransa ne’ebe mak diak iha komunidade sira nia le’et” Xefe Departamentu Formasaun Partisipasaun Politika Jose do Rosario de Carvalho Esplika.
Entretantu formasaun partisipa maximu husi feto sira iha Covalima no realiza iha Sede de Suco Debos nebe nebe mak organiza husi Sekretaria Estadu ba Igualidade no Inkluzaun.
Jornalista : Saturnino Soares
Editor : Chamot Nahac
