Covalima ( RCCT ) Quinta 19 – 08 – 21 Sekretariado Estado Igualidade no Inkluzaun ( SEII ) halo asina akordu entre Sentro Empoderamentu Igualidade no Inkluzaun Sosial hodi fo aopiu orasamentu rihun rua ( $ 2.000 ) ba grupu benefisiariu feto sira iha Municipio Covalima hodi buka moris.
Iha seremonia asina akordu ne’e Xefe Departamentu Sosio Ekonomia iha Sekretariado Estadu no Inkluzaun Agustinha da Costa hateten objetivo ba atividade ne’e hodi asina akordo entre grupo feto no transferensia publiku orsamentu ba tinan 2020 nian hodi grupu sira bele hala’o sira atividade iha grupu laran.
“ Objetivu ba atidade ohin loron ne’e hodi asina akordu entre grupu feto, transferensia publika ba orsamentu tinan 2020 nian ho Sentro Empoderamentu Igualidade no Inkluzaun Sosial hodi bele transfere osan ba grupu ida idak hodi hala’o sira nia atividade ekonomia, Grupu lima nebe mak ohin hetan ona asina akodu ba tinan 2020 ne’e kada grupu hetan osan rihun rua dolares amerikcano ($2.000) ” Informa Xefe Departamentu Sosio Ekonomia Husi SEII Agustinha da Costa.
Xefe Departamentu ne’e hatutan iha Municipio Covalima uja mekanismu rotativu tanba ne’e ohin asina akordu ho grupu lima ( 5 ) maibe ita ho tinan rihun rua walu ( 2008 ) to’o tinan rihun rua sanulu resin hitu ( 2017 ) iha Municipio Covalima hamutuk grupu lima nulu resin tolu ( 53 ).
“ Ba iha mekanismu derotativu nian foin mak iha grupu lima ( 5 ) maibe ho tinan rihun rua walu ( 2008 ) to’o tinan rihun rua sanulu resin hitu ( 2017 ) iha Municipio Covalima ita regista grupu hamutuk lima nulu resin tolu ( 53 ), iha grupu ne’e inklui mos portadores difisiente sira ema ho gestu seksual oi – oin hanesan komunidade LGBI no mos ema Vurneravel sira, no agora tinan rihun rua sanulu resin sia ( 2019 ) nian iha Municipio Covalima iha Posto tolu ( 3 ) no iha tinan 2020 ita iha Posto lima ( 5 ) iha kontinuasaun tinan rihun rua nulu resin ida ( 2021 ) nian tama faze avaliasaun, iha faze avaliasaun ne’e grupu sanulu resin ne’en ( 16 ) mak tama iha faze avaliasaun ne’e” tenik Xefe Departamentu Sosiu Ekonomia Husi SEII Agustinha da Costa.
Enkuantu relasiona ho apoiu orsamentu $ 2.000 husi SEII ba Grupo feto sira ne’e reprezentante Xefe grupu haforsa feto rural Maria Fatima husi Suco Tashilin Posto Administrativo Zumalai senti orgulhu ho apoiu ne’e tamba bele hamoris sira nia grupu liu husi sira nia atividade haki’ak manu no seluk tan.
“Ami senti kontente tebes ho Governu nia apoiu ne’e ami bele halo atividade iha ami nia Suco laran kona ba negosiu durante tinan ida nia laran hodi hafunan osan Governu nian nebe mak fo apoiu mai ami nia grupo ho montante orsamentu rihun rua ( $ 2.000 ) dolares americano” dehan Xefe grupo haforsa feto rural, Maria Fatima.
Engkuantu SEII liu husi Xefe departamentu sosiu ekonomia Agustinha da Costa enkoraza grupu sira nebe mak hetan ona orsamentu atu bele servisu hamutuk iha unidade no suporta malu iha grupu laran no mos bele fo ezemplu di’ak ba maluk feto sira seluk.
Jornalista : Saturnino Soares
Editor : Chamot Nahac
