Covalima (RCCT) 07-02-22, Country Manager Kompaña Timor Resources, Filomeno Andrade hateten Seidauk hatene rejultadu perfurasaun Mina Rai Maran (Onshore) Posu Feto K’maus iha valor Ekonómia ka lae? Tanba ne’e Kompaña Suspende Provisoriu Aktividade Perfurasaun Mina Posu Feto K’maus hodi hein rezultadu Mai husi Laboratoriu Indonesia.
Ba Jornalista sira Country Manager Kompaña Timor Resource Filomino Andrade hateten Kompaña seidauk bele fo informasaun konaba rezultadu Perfurasaun mina matan Feto K’maus iha Aldeia Tabakolot, Suco Debos, Postu Administrativu Suai, tanba sampel mina ne’ebé haruka ba Labaoratoriu Indonesia hodi halo teste seidauk haruka fali mai to’o agora.
“Ami seidauk bele fo sai rejultadu konaba Mina nia valor Ekonómia iha ka Lae? Tanba rejultadu Teste mina haruka ba laboratorium Indonésia to’o agora seidauk mai, sampel ne’ebe mak hasai,sampel hira ne’e mak to’o ágora seidauk rona rezultadu,Maibe kuandu sampel hirak ne’e mak bele fo rezultadu bele perfura klean liu tan kraik,” Hateten Filomino Andrade ba Jornalista sira iha área Perfurasaun mina rai maran Posu Liurai iha Aldeia Sanfuk, Suco Kamanasa(07/02)
Tuir Country Manager Kompaña Internasional Timor Resource haklean, Kompaña seidauk deside atu hapara atividade Perfurasaun iha posu Feto K’maus, maibe sei suspende hodi hein rejultadu Estudu Geológia, tanba atividade Perfurasaun Posu Feto K’maus seidauk to’o tarjetu perfunidade metru 1400 resin, maibe foin to’o metru 600 resin hetan presaun husi gas ne’ebé maka’as tan ne’e provisóriu suspende Perfurasaun hodi hein rejultadu.
“Nia kuantidade ne’ebé mak ita hetan ne’e seidauk identifika atu bele halo produsaun, tanba sampel haruka ba ne’e seidauk fo sai rezultadu, ne’ebé Kompaña seidauk deside atu para perfura so suspende deit hodi hein rezultadu husi estudu Geologia,” tenik nia
RCCT Sita husi Publikasaun www.oekusipost.com edisaun 03/02/22, ne’ebé Ministru Petroliu no Minaral Vitor da Conceição Soares hatete, Empreza Timor Resources hapara Perfurasaun Mina Rai Maran Posu Feto K’maus iha Aldeia Tabakolot, Suco Debos, Postu Administrativu Suai, Bazeia ba Teste laiha rezultadu. Governante ne’e informa iha Timor Plaza Dili, hafoin partisipa iha Aprezentasaun ne’ebé Empreza Timor Gap halo konaba estudu Projetu Terminal Importasaun.
Sitiu Relevante :https://www.oekusipost.com/ekonomia/1267-lahetan-mina-iha-suai-timor-resource-hapara-ona-atividade-perfurasaun
Entretantu agora dadaun Kompaña Timor Resources seidauk foti desizaun atu hapara atividades Perfurasaun Posu Feto K’maus, tanba perfunidade seidauk atinji tarjetu Kompaña nian, ho nune’e sei suspende atividades Perfurasaun hodi hein rejultadu sampel Mina ne’ebe haruka ba Laboratórium iha Indonésia hodi halo teste ne’ebé to’o agora seidauk to’o mai fali Timor Leste
Jornalista : Tynho Gusmão
Editór : Chamot Nahac
