Saudozo Max Stahl Halo Bu’at Simples Sai Extraordinaria Kontibui ba Ukun Rasik An

Covalima (RCCT) 12-11-21, Saudozu Max Stahl ho talentu nebe halo filmi no fotografia maske la furak iha ema seluk nia matan maibe nia Dezemvolve buat nebe sai extraordinaria halo Mundu Kuinese Timor-Leste.

Ba Jornalista RCCT Amo Vigario Paroquia Suai Juvitu Mendonca hateten, Saudozu Max Sthal nia Dokumentasaun ba
Akontesimentou Masakre 12 Novembru lori Timor ba Mundu husi nia talentu halo filme no fotografia.

“Sausozu Max Sthal nia servisu halo dokumentasaun nebe akontese masakre 12 Novembro, ita aprende buat balun husi Saudozu max Sthal ho nia talento nebe simples, nebe nia sei kiik ho nia talento sai fotografer no halo filmi badak , talento iha ema nia Matan la iha folin ba nia maibe nia dezelvolve talento ida ne’e” dehan Amo Bigario Paroquia Suai , Pe. Juvito Mendonça

Padre Juvito esplika, kontribuisaun nebe maromak fo liu Saudozu Max Sthal rai hela mensagen sira ne’e.

“Joven sira buat simples, ita nia talentu sira ne’e sai eroi iha mundu modernu nian la bele aspira ema seluk nia kewajiban, ema Seluk nia talento ida ne’e bele sai eroi ba ita nia rai rasik husi kontribui ita nia talento ne’ebe maromak fo mai ita, Max Stahl rai hela mensajen ida ne’e mai ita” Katak Padre Juvito

Padre Juvito salienta Saudozu Max Stahl hanesan keiador filme hahu husi rezistensia Juventude Loriku Asuwain iha 1991 nebe prega ho naran Nasional 12 de Novembru.

“Saudozu Max Sthal hanesan autor filme hahu kedas husi rezistensia, Joventude Loriku Asuwain nebe prega ho naran Nasional 12 de Novembru no kontinua ba 1999, povu Timor-Leste kuinese Saudozu Max Sthal nebe dedika an ba apoiu luta Timor-Leste nian to’o ukun rasik an” Tenik Padre Juvito

Enkuantu Saudozo Max Stahl husik nia moris iha mundu, kauza husi kankru nebe infiltra iha kakorok, susar dada iis, ikus mai hakotu nia peregrinasaun iha Ospital Brisbane Australia.

Entretantu Hafoin misa, Sobrevivente 12 Novembro, Komandatente PNTL Municipio Covalima Hamutuk ho Joven no Sarani sira iha Municipio Covalima la’o ain husi Igreja Ave Maria Suai hodi tau Ai funan no sunu lilin iha Monumento Masakre Setembru Negro 1999 Suai.

Jornalista : Aje Ferreira & Lito de Jesus
Editor         : Chamot Nahac